Anyandera 21:8 - AHYERƐLƐ KRONGRON

⁸ Amumuyɛɛniɛ yɔleɛ ndengyɛ, nakoso sona bɔ ye nwo te ne de, ye atee tengyɛ.

Anyandera 21:8 Iomraidhean Croise

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Anyandera 2:15

B’atee te kanda atee, na bɛ suban te nnakannaka.

Anyandera 21:9

Ɔte paa kyɛ ɛkɔtena sua anwuro pumbu ahameɛ bie anu tra kyɛ ɛne braa bɔ ye nwo te ngondii ɔ bɛkɔtena awuro ɔ.

Anyandera 30:12

Mmenia biemɔ wɔ berɛ a, bebu bɛ nwo kyɛ bɛ nwo te, nakoso bɛ bɔne mata bɛ, bɔ yeɛ bɛ nwo nde ɔ.

Nworɛ Dwirɛhanɛniɛ 7:29

Tie, ɛhe angome yeɛ manwu ye ɔ: Nyameɛ bɔle kuro sona ferengyemm, nakoso kuro sona ama nningyein pee bo telɛ ali ye ti.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yesaya 26:7

Teneneeniɛ atee tengyɛ, ɛma teneneeniɛ atimbire da so yɔɔ.

Yesaya 59:8

Asomdwee atee de, bɛnze, yeɛ pɛpɛɛpɛyɛlɛ nne b’atee nu; bama b’atee akondokondo, na sona biala bɔ ɔfa so ne, onnya asomdwee.

Daniel 12:10

Bɛkɔte mmeni pee nwo bɛkɔyɛ bɛ nwo fitaa kɔma bɛ nwo kɔyɛ sannwuu; nakoso bɔnefoɛ de, bɔ ɔtte mayee yeɛ bɛkɔyɔ ɔ, na bɔnefoɛ nemɔ anu biala ngɔte ye bo; nakoso badwemmafoɛ de, bɛkɔte ye bo.

Mateo 12:33

“Ɛ́mɔma bakaa ne ɔ́yɛ bakaa paa, ná ye mma ne ayɛ mmaa paa. Anaakyɛ, ɛ́mɔma bakaa ne ɔ́yɛ bakaa tɛɛ, ná ye mma ne ayɛ mmaa tɛɛ; ofikyɛ bakaa ye mma yeɛ bɛfa benwu ye baka sue ɔ.

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Asomafoɛ 15:9

Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.