Anyandera 21:6 - AHYERƐLƐ KRONGRON

⁶ Anwonya bɔ bɛfa nnakannaka so benya ye ne, ɔte mbaen, na ɔte bɛ so ewue ngaen.

Anyandera 21:6 Iomraidhean Croise

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 13:11

Ambe atee paa so ambena anwonyadeɛ a, ofi wɔ sa, nakoso bɔ ɔfɛ onya ye ne de, onya pee.

Anyandera 20:14

Sona bɔ ɔtɔ nikyee ne, ɔkã kyɛ, “Ɔtte mayee, ɔtte mayee,” nakoso ɔkakyi ye nwo kɔ a, ɔfa hoahoa ye nwo.

Anyandera 20:21

Agyapadeɛ bɔ ɛpere wɔ nwo nya ye ahyɛaseɛ ne, ye ayieleɛ ngɔyɛ saleɛ.

Anyandera 22:8

Sona bɔ odua amumuyɛɛ ne, ɔkɔpɛ musue, na ye ɛyaafɛlɛ mbire nu kobubu.

Anyandera 30:8

Ye bra mbaen mbaen ne nnakannaka fi me so kɔ dedeede, nnɛmaa medi hiaa, yeɛ nnɛmaa menya me nwo tam, na mmom, ma me me noa aleɛ bɔ mehia ɔ;

Anyandera 8:36

nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Yeremia 17:11

Ebiala bɔ ɔpena anwonya bɔ wamva atee paa so ne, ɔte kyɛ akɔkɔhwereɛ bɔ obutu ngyiremvua bɔ nna ye yeɛ ɔtole ɔ so ɔ; onyi ɔkɔ ye nyunu kãa a, okofi ye sa, na ye ayieleɛ nu ɔkɔyɛ kwaseaa.

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.