Anyandera 21:31 - AHYERƐLƐ KRONGRON

³¹ Besiesie pɔngɔ bɛfa bɛnwondɛ koɛ kyẽa, nakoso ngonimlilɛ de, ɔwɔ AWURADE sa nu.

Anyandera 21:31 Iomraidhean Croise

2 Samuel 23:12

Nakoso Sama de, oogyinane eboo ne afia bɔle eboo ne nwo waen, na ohuhuni Filistifoɛ nemɔ. Na AWURADE maa olili ngonim kandinga.

Edwein 144:10

Wɔ yeɛ ɛma ahemvo bedi ngonim ɔ; wɔ yeɛ ɛpepɛ de wɔ somvoɛ Dawide fi ngrandɛ bɔ odi awue noa ɔ.

Edwein 147:10

Nna pɔngɔ anwoserɛ yeɛ ye nye gye ye nwo ɔ, yeɛ nna sona amirika yeɛ ɔsɔ ye nye ɔ;

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 20:8

Bɛ de, besoti befifi ase, nakoso yɛ de, yɛdwɔso yɛgyina berɛ kyirebeinn.

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 68:20

Yɛ Nyameɛ ne ɔte ngoalelɛ Nyameɛ, na Nyameɛ, bɔ ɔte AWURADE ne, ye yeɛ ɔpepɛ de sona fi ewue nu ɔ.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Yeremia 3:23

Amba, dede bɔ ɔwɔ mmokaa nemɔ aso ne, ɔne mmokaa nemɔ aso anigye ne, ɔte mbaen. Amba, AWURADE yɛ Nyameɛ nu yeɛ Yisrael ngoalelɛ wɔ ɔ.

1 Korintofoɛ 15:57

Nakoso yɛda Nyameɛ bɔ ɔnate y’Awurade Yesu Kristo so maa yɛdi ngonim ne ase.