Anyandera 21:24 - AHYERƐLƐ KRONGRON

²⁴ Anwomasoɛniɛ bɔ otu ye nwo ne, ye dumaa ole ngorohoɛniɛ, na ɔbɔ ye bra anwomasoɛ ndrasoɛ nu.

Anyandera 21:24 Iomraidhean Croise

Edwein 1:1

Sona bɔ ondie amumuyɛɛfoɛ foɛtulɛ, ná ɔmva bɔnefoɛ atee so, ná ɔne mmenia bɔ bɛgoro Nyameɛ nwo ne bendu nu ne, onya saleɛ.

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 18:12

Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Anyandera 19:29

Besiesie asohwenɛ bɛto berɛ bɛma ngorohoɛfoɛ, yeɛ mbirefinɛ koso bɛma ngwaseafoɛ si.

Anyandera 24:9

Ngwaseasɛm nwo adwene falɛ te bɔne, yeɛ ngorohoɛniɛ te mmenia akyiwadeɛ.

Anyandera 3:34

Nahorɛ nu, ɔgoro ngorohoɛfoɛ nwo, nakoso anwobrɛaseɛfoɛ de, ɔdo bɛ.

Anyandera 6:17

anyeɛ bɔ ɔtra ye ndo nwiaa, noa bɔ ɔnga nahorɛ ɔ, asaa bɔ ɔkã mogya bɔ odi be gua ɔ,

Yesaya 16:6

Moabo anwomasoɛ ne, yate ye nga, ɔte anwomasoɛ paa, ye ahandaen, ye anwomasoɛ ne ye ahonehulɛ ne: ɔbobɔ ye noa nu mbaen.

Yesaya 29:20

Ofikyɛ atianuserɛfoɛ bɛ boso konua, ngorohoɛfoɛ bekowuwu bɔkɔɔ, na bekohu bɛ bɔ bɛbɔ porɛ tɛɛ amukoraa:

Yeremia 48:29

Yate Moabo anwomasoɛ (ɔmoma ye nwo so paa), ye dwɛɛ, ye ahandaen, ye anwomasoɛ, ɔne ye ahone nu aniammɔwoho nwo dwirɛ.

Habakuku 2:5

Afei koso, nzaa te nnakannaka, anwomasoɛniɛ ne ngɔtena berɛ daa. Ye akɔnnɔ nu trɛ kyɛ ɛborɔ, ɔte kyɛ ewue bɔ ye ko nyi le ɔ. Ɔko boaboa maen maen amukoraa noa ma ye nwo, na ɔkye mmenia amukoraa nnure ɔfa.”

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.