Anyandera 21:21 - AHYERƐLƐ KRONGRON

²¹ Ebiala bɔ ɔfa tenenee bra ne paayɛlɛ osie ye nye so ne, okonya ngoa, tenenee ne animnyam.

Anyandera 21:21 Iomraidhean Croise

Edwein 112:4

Kanea pukye awosii nu ma teneneeniɛ; ɔdo mmenia, ɔse anwumvoin, yeɛ ɔtengyɛ.

Anyandera 10:16

Teneneeniɛ akatuaa fa ye kɔ ngoa nu, nakoso bɔnefoɛ de, ye mvasoɛ fa ye kɔ bɔne nu.

Anyandera 11:19

Sona bɔ ye bra tengyɛ ne, onya ngoa, nakoso bɔ odi bɔne si ne de, onya ewue.

Anyandera 15:9

Bɔnefoɛ mɔ atee te AWURADE akyiwadeɛ, nakoso bɛ bɔ bɛfa tenenee besie bɛ nye so de, okuro bɛ dwirɛ.

Anyandera 22:4

Anwobrɛaseɛ ne AWURADE surolɛ nwo akatuaa yeɛ ɔfa anwonya, animnyam ne ngoa ba ɔ.

Anyandera 3:22

amaa ɔnate so bayɛ ngoa bama wɔ kra, ɔne animnyam bɔ ɔla wɔ kɔme ɔ.

Yesaya 51:1

“Ɛ́mɔtie me, ɛmɔ bɔ ɛmɔbɔ tenenee bra ɔ, ɛmɔ bɔ ɛmɔpena AWURADE si atee ɔ; ɛ́mɔnea nyɔbotaen bɔ bedwale ɛmɔ befili nu ne, ɔne kumaa bɔ nu yeɛ betuli ɛmɔ befili ne.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Mateo 5:6

“Bɛ bɔ tenenee nwo hɔen ne nzuhɔen ku bɛ ne banya saleɛ, ofikyɛ bɛ yeɛ Nyameɛ kɔma bɛ ko koyi ɔ.

Romanfoɛ 14:19

Yiti ɛmɔma yɛli nningyein bɔ bɛma asomdwee ɔne bɔ ɔfa ngɔsoɛ brɛ yɛ si.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

Filipifoɛ 3:12

Nna kyɛ ebiaa me sa anya ahã ye, anaakyɛ mali mu mayie ɔ; na mmom mepere mekɔ me nyunu kyɛbɔ ɔkɔyɛ me deɛ ɔ, kyɛbɔ Kristo Yesu koso wafa me wayɛ ye deɛ ne.

1 Tɛsalonikafoɛ 5:21

na mmom ɔsɛ kyɛ ɛmɔso nningyein amukoraa bɛnea: na bɔ ɔte paa ne, ɛ́mɔsɔ nu yé,

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

2 Timoteo 2:22

Yiti twe wɔ nwo fi mmerandeɛ nu akɔnnɔ nwo, ná fa wɔ nye sie tenenee, gyidie, ɔdɔ ne asomdwee so, ɛne bɛ bɔ befi ahone bɔ nu te ɔ nu bɛfrɛ Awurade bɛbɔ nu ne.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.