Anyandera 21:13 - AHYERƐLƐ KRONGRON

¹³ Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Anyandera 21:13 Iomraidhean Croise

Nehemia 5:13

Asa koso, esikaa abɔsoɛ bɔ ɔbɔ m’ataadeɛ ne anu ne, nye mboroporole nu. Na ngane kyɛ, “Ebiala bɔ wanni bɔhyɛ he aso ne, Nyameɛ ole ye sua ne ye agyapadeɛ ofi ye sa nu. Sɔaa yeɛ okole b’agyapadeɛ kofi bɛ sa nu maa bɛkɔbɔ hwea ɔ.” Yeɛ maen ne amukoraa sele kyɛ, “Yɛde yɛto nu”, na bɛyele AWURADE ayɛ. Na maen ne yɛle nikyee biala kyɛbɔ bahyɛ bɔ ne ala.

YOB NWOMAA NE 29:12

ofikyɛ mmokale mmenia bɔ bɛyɛ anwumvo bɔ besu bɛpena mmokalɛ ɔ, ɔne awisiafoɛ bɔ belle bokafoɛ ɔ.

Edwein 18:41

Bɛteateane nu bɛpenane mmokalɛ, nakoso bannya defoɛ biala, besu bɛfrɛle AWURADE, nakoso wandɛ bɛ so.

Edwein 58:4

Bɛ noa borɔ te kyɛ ewoo deɛ ne ala, bɛte kyɛ ɛbɔnaa asotiniwaa bɔ watuatua ye so,

Anyandera 1:28

Afei bekosu bɛkɔfrɛ me, nakoso mengɔtɛ bɛ so, bɛkɔpena me paa, nakoso bengonwu me.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Mateo 6:14

“Sɛ ɛmɔfa mmenia mvomsoɛ bɛkyɛ bɛ a, ɛmɔ Baba bɔ ɔwɔ nyameɛso ne koso kɔfa ɛmɔ deɛ kɔhyɛ ɛmɔ.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Luka 13:25

Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Asomafoɛ 7:57

Berɛ ne ala badwafoɛ ne teane nu serɛserɛ, bɛfale bɛ sa betuatuale bɛ so, na bɛbɔle twi bɛɛto bɛhyɛle ye so.

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?