Anyandera 21:12 - AHYERƐLƐ KRONGRON

¹² Teneneeniɛ ɔfa ye nye nea bɔ ɔkɔ so wɔ bɔnefoɛ awuro ɔ, na bɔnefoɛ bɛ bɔne ti, b’ayieleɛ nyie bɛ yé.

Anyandera 21:12 Iomraidhean Croise

Gyenesise 19:29

Yiti mmerɛ bɔ Nyameɛ sɛkyele nguro bɔ bɛwɔ aseɛ frɛtɛɛ ne aso nen, ɔkayele Abraham, na amaneɛ bɔ ɔtole nguro bɔ Lɔto tenane so nemɔ maa bɛbɔle ne, ɔyele Lɔto fili nu.

YOB NWOMAA NE 5:3

Manwu kwaseaa bɔ ye bra ayie ye yé ɔ, nakoso mvum nu, mbayele ye awuro.

YOB NWOMAA NE 8:15

Ɔfa ye nwo kisa ye sua, nakoso sua ne dwiri gua, yeɛ ɔfa ye nwo mata sua ne, nakoso sua ne ngora gyina.

Edwein 107:43

Ebiala bɔ ɔse nworɛ ne, odi kyɛ ɔdwene sɔ edwirɛ hemɔ anwo, odi kyɛ ɔdwene AWURADE ɔdɔ bɔ onni ngasi ne anwo yee.

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Anyandera 13:6

Tenenee bra, okyire nahorɛlilɛniɛ atee, nakoso bɔne de, obu sa bɔnefoɛ.

Anyandera 14:11

Bɔnefoɛ mɔ, b’awuro kɔbɔ, nakoso teneneefoɛ de, bɛ tena sua kogyina.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Anyandera 29:16

Sɛ bɔnefoɛ bɛsone a, mmeraatolɛ sone pee, na teneneefoɛ konwu bɔnefoɛ nemɔ b’asefinɛ.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

1 Korintofoɛ 10:5

Nakoso, Nyameɛ nye angye bɛ nu pee bɛ nwo, yiti bewuwuli wɔ ɛserɛ ne aso.