Anyandera 21:11 - AHYERƐLƐ KRONGRON

¹¹ Sɛ bɛtwe ngorohoɛniɛ so a, sona bɔ ye adwene te kãa ɔ nwu nworɛ, yeɛ sɛ betu nworɛniɛ foɛ a, ye nimdeɛ kɔ anwuro.

Anyandera 21:11 Iomraidhean Croise

Anyandera 1:5

Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Anyandera 15:14

Badwemma adwene pena nimdeɛ si atee, nakoso ngwaseafoɛ de, ngwaseasɛm te bɛ noa aleɛ.

Anyandera 18:1

Sona bɔ ɔpena ye ngome ye yeeyɛlɛ ne, ɔpena ye ngome ye deɛ, na onne nzusuleɛ paa biala ndo nu.

Anyandera 18:15

Sona badwemma osua nimdeɛ, yeɛ nworɛfoɛ bɛ so pena nimdeɛ.

Anyandera 19:25

Bo ngorohoɛniɛ, na sona bɔ ye adwene te kãa ne kosua nworɛ, kã sona badwemma nyunu, na okonya nimdeɛ.

Anyandera 9:7

Ebiala bɔ ɔtengyɛtengyɛ ngorohoɛniɛ ne, ode animguaseɛ, yeɛ ebiala bɔ otwi bɔnefoɛ nyunu ne, ode nzoaa.

Anyandera 9:9

Tu nworɛniɛ foɛ, na ɔkɔhɔ so konwu nworɛ; yeɛ kyirekyire teneneeniɛ nikye, na ɔkɔhɔ so konya nimdeɛ.

Numeri 16:34

Ɔnate kyɛ Kora mɔ né bɛbɔ awuye ne ati, Yisraelfoɛ amukoraa bɔ né bapɛ bayia berɛ ne, bɛnwatili, na bɛhane kyɛ, “Aseɛ ne kɔme yɛ koso!”

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Deuteronomi 13:11

Na Yisraelfoɛ amukoraati bɛkɔte, bekosuro, na bɛngɔyɔ amumuyɛɛ bɔ ɔte sɔaa ko wɔ ɛmɔ nu.

Deuteronomi 21:21

Na afei ɔsɛ kyɛ kuro berɛ ama mukoraati boro ye nyɔboɛ beku ye. Yiti ɔsɛ kyɛ etu bɔne ne bo fi wɔ nu; na Yisrael mukoraati kɔte ná basuro.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.