Anyandera 21:1 - AHYERƐLƐ KRONGRON

¹ Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Anyandera 21:1 Iomraidhean Croise

2 Ahemvo 19:33

Atee bɔ ɔnate so wale ne, sɔ atee ne ala yeɛ okosa kɔfa so kɔhɔ ɔ. AWURADE nwa Asiria hene ngowura kuro ne anu.

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 6:22

Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Nehemia 2:8

Afei, Nana, kyerɛ krataa maa ngɔma Asafe bɔ ɔnea wɔ ɛhɔayeɛ ne aso ne, kyɛ ɔma me mmakaa maa mva nyɔ asɔneyɛɛ sua abandenden pambim mbuna nemɔ, kuro berɛ fasue pambim nemɔ ɔne awuro bɔ mekwaatena nu ne anoa nemɔ.” Na nningyein bɔ nzrɛle ne, Nana Atasɛsɛse fa mane me, ofikyɛ né me Nyameɛ bɔ ɔdo sona ne, né ogyi me si.

Ɛseta 2:17

Na Nana Ahasuro hurole Ɛseta trale mmrasua ngaa ne amu. Ohurole ye dwirɛ, na ye nye gyele ye nwo trale mmabunu ne amu, yiti ɔfale ɛhemmaa kyerɛ ne wurale ye, na ɔfale ye sili hemmaa sili Wasiti gya nu.

Edwein 105:25

Ɔmane pɔfoɛ nemɔ adwene sesane maa bɛpɔle ye mmenia nemɔ. Na bɛfale nworɛ atee so bɛhyɛle ye somvoɛ nemɔ aso.

Edwein 106:46

Na bɛ bɔ bɛhyele Yisraelfoɛ nnure amukoraa, Nyameɛ maa benwuni Yisraelfoɛ anwumvoin.

Edwein 114:3

Ɛpo nwuni ye, na ɔnwatili; asue Yɔɔdan sale ye si.

Edwein 114:5

Ao ɛpo, nzikyɛ yeɛ wayɔ wɔ maa anwati ye? Ao asue Yɔɔdan, nzikyɛ yeɛ wamaa asa wɔ si ye?

Edwein 74:15

Ebukyele asue mɔ ne asue ba mɔ maa bɛtengyɛle, nakoso ɛmane asue mbiri mɔ bɛwewele.

Edwein 93:4

Anwuro Anwuro AWURADE ole anwoserɛ, ole anwoserɛ tra kyɛbɔ asue mbiri mbiri bebu bɛfa so ɔ, ole anwoserɛ tra ɛpo asorɔkye!

Ɛksadɔso 7:3

Nakoso ngɔma Faro kɔyɛ asobrakyeɛ. Ɔwɔ nu kyɛ ngɔma me nzɛngyerɛnneɛ ne anwanwadeɛ kɔsone pee wɔ Misraim aseɛ so de,

Anyandera 16:1

Kuro sona yɛ nhyehyɛleɛ wɔ ye ti anu, nakoso temverema ye mmuayɛɛ ofi AWURADE berɛ.

Anyandera 16:9

Sona fa ye adwene susu bɔ ɔkɔyɔ ɔ nwo, nakoso AWURADE yeɛ okyire ye atee ɔ.

Anyandera 20:24

Kuro sona agyirɛ bɔ otutu ne, ogyi AWURADE so, ɔkɔyɛ sɛɛ né sona ate ye bɔbɔ ye atee bɔ ɔnate so ɔ bo?

Yesaya 43:19

Ɛ́mɔnea, mebaayɔ nikyee foforɛ bie, kyɛ ɔ́ba ɔ, aso ɛmɔnnwu ye? Ngɔpakye atee ngɔto ɛserɛ so, ná mama asue mɔ balela aseɛ pralaa so.

Yesaya 44:27

Me yeɛ mekã mekyire buma kyɛ, ‘Wewe, ngɔma w’asue mɔ kɔwewe’.

Yeremia 39:12

“Fa ye, te wɔ nye nea ye, nnɛyɔ ye tɛɛ biala, na bɔ ɔkɔhã kohyire wɔ biala, yɔ ma ye.”

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Asomafoɛ 7:10

ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.

Nyekyire 16:12

Na abɔfo bɔ ɔtɔ so nzia ne hwiele bɔ ɔwɔ ye kulie ne anu guale asue piri Yufreti nu, na nu nzue ne wewele, kyɛbɔ okosiesie atee kɔto berɛ kɔma ahemvo mɔ bɔ befi eyia afiteleɛ dɔ ɔ.

Nyekyire 16:4

Na abɔfo bɔ ɔtɔ so nza ne hwiele bɔ ɔwɔ ye kulie ne anu guale asue mɔ ne asue ti mɔ nu, na bɛkakyili mogya.