Anyandera 20:6 - AHYERƐLƐ KRONGRON

⁶ Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Anyandera 20:6 Iomraidhean Croise

Edwein 12:1

Boka me, ao AWURADE, ofikyɛ teneneeniɛ de, ebie nne berɛ ko; na nahorɛlilɛfoɛ, bɛ boso anunu afi adasa mmaa nu.

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Anyandera 20:5

Kuro sona ti anu adwene te kyɛ buma, badwemma sona yeɛ ɔkora sa bie ɔ.

Anyandera 25:14

Sona bɔ ɔhyɛ akyɛdeɛ nwo bɔ fa hoahoa ye nwo, nakoso onni so ne, ɔte kyɛ munungum ne mvrama bɔ bɛmva esue mma ɔ.

Anyandera 27:2

Ma ebie ɔkamvo wɔ, wɔ bɔbɔ nnɛkamvo wɔ nwo, ma ebie mbaen ɔhã, wɔ bɔbɔ nnɛte wɔ noa kã.

Nworɛ Dwirɛhanɛniɛ 7:28

Ngɔle so alaa mbenane ndeaseɛ ne, nakoso mannwu bɔ mepena ne. Nwuni bienzua ko wɔ mmienzua apee ko nu, nakoso mmrasua mɔ nu de, mannwu brasua.

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Mika 7:1

Edwirɛ ato me oo! Ofikyɛ mayɛ kyɛ ebie bɔ bate borɔdoma bayie, bɔ bate bobe si ne bayie, bɔ bennya ye mma biribiraa ne bie benni ɔ. Borɔdoma mma bɔ wali moa wasu, bɔ me komvi wɔ so ne, ebie nne berɛ.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

Luka 18:28

Yeɛ Petro sele kyɛ, “Eh! Yayakyi bɔ yɛle ye amukoraa yaali wɔ si oo.”

Luka 18:8

Na mekã mekyire ɛmɔ kyɛ, okoli bɛ dwirɛ kɔma bɛ ndɛndɛ. Nakoso, Sona Awa ne ba a, aso okonwu gyidie wɔ aseɛ ye aso?”

Luka 22:33

Na Petro buale ye kyɛ, “Awurade, maboaboa me nwo kyɛ me ne wɔ yɛkɔhɔ kuku nu ne ewue nu.”

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.