Anyandera 20:4 - AHYERƐLƐ KRONGRON

⁴ Prakasua ti, ɛfoen sona nzo boo, yiti fieso aleɛ falɛ dwu a, né ɔpena bie, nakoso onnya bie.

Anyandera 20:4 Iomraidhean Croise

Anyandera 10:4

Asaa bɔ ɔte foen ne, ɔne ehiaa yeɛ bɛnate ɔ, nakoso asaa bɔ okuro adwuma ne de, ɔmaa enya wɔ nwo.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 19:15

Ɛfoen ma sona da hatee, yeɛ akwadworɔ sona di hɔen.

Anyandera 19:24

Ɛfoen sona fa ye sa to talie nu a, ye sa po ɔngora mva ngɔ ye noa.

Anyandera 20:5

Kuro sona ti anu adwene te kyɛ buma, badwemma sona yeɛ ɔkora sa bie ɔ.

Anyandera 21:25

Ɛfoen sona, nikyee bɔ ye komvi wɔ so ne yeɛ oku ye ɔ, ofikyɛ ye sa nga ye gya nga.

Anyandera 24:34

na ehiaa kɔwa wɔ so kyɛ awerɔm awueniɛ, yeɛ anwokyere kɔwa wɔ so kyɛ koɛhonɛniɛ bɔ otira akodeɛ ɔ.

Anyandera 6:6

Ɛfoen sona, kɔ ngyiregyiraa berɛ, nea kyɛbɔ ɔyɔ ye nningyein ɔ, ná sua nworɛ.

Nworɛ Dwirɛhanɛniɛ 11:4

Sona bɔ ɔnea kyɛbɔ mvrama si bɔ ne, ongolua ye nningyein; yeɛ bɔ ɔnea kyɛbɔ ewienu ayɛ kusuu ne koso, ɔngɔfa ye fieso aleɛ.