Anyandera 20:30 - AHYERƐLƐ KRONGRON

³⁰ Bakaa bɔ ɔma bɛ nwo pakyepakye ne, otu bɔne bo, na sɔ ala yeɛ mbire koso ɔworoworo sona nu osiesie ye nu ɔ.

Anyandera 20:30 Iomraidhean Croise

Edwein 89:32

ye de ngɔfa mbire ngɔhwe bɛ so wɔ bɛ mmeraatolɛ nwo, ná mafa bakaa mahwe bɛ so wɔ b’amumuyɛɛ nwo.

Anyandera 19:25

Bo ngorohoɛniɛ, na sona bɔ ye adwene te kãa ne kosua nworɛ, kã sona badwemma nyunu, na okonya nimdeɛ.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Anyandera 27:6

Wɔ damvo twi wɔ nyunu a, nahorɛ wɔ nu, nakoso sɛ pɔfoɛ yɛ wɔ atuu po a, ɔte nnakannaka.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yesaya 53:5

Nakoso, yɛ mmeraatolɛ ti yeɛ bepurale ye ɔ, yɛ amumuyɛɛ ti yeɛ bedwiridwirili ye nwo ɔ; yɛ asomdwee nwo asohwenɛ lale ye so, na ye nwo beabealɛ ne yeɛ ɔmaa yɛnya anwonyerɛsalɛ ɔ.

Hebrifoɛ 12:10

Bɛ de, bɛteane yɛ mmerɛ kãa bie anu, kyɛbɔ bɛnea a ɔte paa ma bɛ ɔ; nakoso Nyameɛ de, yɛ yeeyɛlɛ ti yeɛ ɔtea yɛ ɔ, amaa ɔnate so yanya kyɛfa wɔ ye krongronyɛlɛ ne anu.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.