Anyandera 20:22 - AHYERƐLƐ KRONGRON

²² Nnɛkã kyɛ, “Ngɔfa bɔne ngotua bɔne kerɛ.” Na mmom fa wura AWURADE sa, na ɔkɔboka wɔ.

Anyandera 20:22 Iomraidhean Croise

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Edwein 37:34

Ma wɔ nye la AWURADE so, ná nate ye atee so, na ɔkɔpagya wɔ maa aseɛ ne kɔyɛ w’agyapadeɛ; na wɔ nye konwu kyɛbɔ bɔnefoɛ bɛ boso onua ɔ.

Edwein 37:40

AWURADE boka bɛ, na ɔpepɛ de bɛ; ɔpepɛ de bɛ fi bɔnefoɛ sa nu, na ode bɛ ngoa, ofikyɛ bɛnwati bɛkɔfea ye nu.

Anyandera 17:13

Sona bɔ ɔfa bɔne tua paa so ne, bɔne ngɔpa ye awuro le.

Anyandera 19:11

Anwohyɛsoɛniɛ ye ahone nhu ndɛ, na ɔte animnyam ma ye kyɛ okobu ye nye kogua mvomsoɛ so ɔ.

Anyandera 20:21

Agyapadeɛ bɔ ɛpere wɔ nwo nya ye ahyɛaseɛ ne, ye ayieleɛ ngɔyɛ saleɛ.

Anyandera 24:29

Nnɛkã kyɛ, “Edwirɛ bɔ wafa wali me ne, me koso ngɔfa bie ngoli ye, bɔ wayɔ ne, ngɔyɔ bie ngotua ye so.”

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Mateo 5:39

Nakoso me de, mekã mekyire ɛmɔ kyɛ, nnɛma ɛmɔfa bɔne betua ebie bɔ wayɔ ɛmɔ bɔne ɔ so kerɛ. Sɛ ebie pakye wɔ nye famaa so a, kakyi bɛen ne koso ma ye.

Deuteronomi 32:35

Wereɛtɔlɛ ne akatuaa te me deɛ, ɔngɔhyɛ biala, bekosoti; ofikyɛ b’amaneɛnwunɛ kyẽa ne apingye, na b’ayieleɛ ɔ́ba ndɛndɛ.

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

1 Petro 2:23

Bɛpepɛle ye nzoaa nen, wangakyi wamma bɛ; mmerɛ bɔ né onwu amaneɛ nen, wannwunanwuna; na mmom ɔfale ye nwo wurale bɔ obua ndɛen turoloo ne sa.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

1 Petro 4:19

Yiti bɛ bɔ ɔnate Nyameɛ apɛdeɛ ti benwu amaneɛ ne, maa bɛfa bɛ kra bewura Ɛdangama bɔ ɔte nahorɛniɛ ne sa, ná bɛhɔ so bɛyɔ bɔ ɔte paa ɔ.

1 Samuel 25:13

Na Dawide sele ye mmenia nemɔ kyɛ, “Ebiala ɔ́fa ye ngrandɛ sĩ. Bɛ nu biala fale ye ngrandɛ sini. Dawide koso fale ye ngrandɛ deɛ sini. Mmenia kɔyɛ ɛyaa nna lili Dawide si bɛ ne ne hɔle, na bɛyakyili mmenia ɛyaa nyɔ berɛ maa bɛtenane bɛ nningyein ne anwo.