Anyandera 20:2 - AHYERƐLƐ KRONGRON

² Sɛ ɛhene fɛ yaa hahii a, ɔte kyɛ gyata bɔ opo ɔ, ebiala bɔ okohu ye ahone ne, ɔfa ye ngoa pɛ so.

Anyandera 20:2 Iomraidhean Croise

1 Ahemvo 2:23

Yeɛ Nana Solomon fale AWURADE tale ndaen kyɛ, “Sɔ nikyee he bɔ Adoniya abisa ye, sɛ wamva ye ngoa wambɛ so a, ye de Nyameɛ otua me so kerɛ piri paa!

1 Ahemvo 2:24

Ɔnate ye sɔ ti, AWURADE teasefoɛ bɔ wama me bo atimu ná wama mali me baba Dawide bia, ná wamaa ahennie aatɔ m’awuro kyɛbɔ ɔhyɛle bɔ ne, ngyi ye nyunu mekã kyɛ, ɛnɛ odi kyɛ beku Adoniya.”

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 8:36

nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Nworɛ Dwirɛhanɛniɛ 10:4

Sɛ wɔ hene fɛ wɔ so yaa a, nnɛfi ye nyunu berɛ, ofikyɛ sɛ ɛbrɛ wɔ nwo ase a, ɔmaa bɛfa wɔ bɔne mbiri mbiri bɛkyɛ wɔ.

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Amose 3:8

Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Habakuku 2:10

Ɛnate mmenia pee bɔ ahũhũ bɛ ne aso ahwehwe animguaseɛ abrɛ w’awuro, ayɔ bɔne atia wɔ kra.

Numeri 16:38

Amumuyɛɛfoɛ hemɔ bɛ see kulie nemɔ ayɛ krongron, ofikyɛ bafa bɛ ngoa bapɛ so. Yiti maa bɛboro bɛ ma bɛyɛ taataa ná bɛ́fa bɛ́yɛ afɔleɛ bokyea ne ngatasoɛ, ofikyɛ bafa bawa AWURADE nyunu maa bayɛ krongron. Na ngatasoɛ nemɔ kɔyɛ sɛngyerɛnneɛ kɔma Yisraelfoɛ.