Anyandera 20:15 - AHYERƐLƐ KRONGRON

¹⁵ Sikaa kɔkorɛ wɔ berɛ, yeɛ agudeɛ paa pee koso wɔ berɛ, nakoso noa bɔ ɔkã nimdeɛ dwirɛ de, ɔte mbembenanneɛ bɔ ye nyɔboɛ yɛ se ɔ.

Anyandera 20:15 Iomraidhean Croise

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 15:7

Nworɛfoɛ noa dwirɛ ma nimdeɛ trɛ, nakoso ngwaseafoɛ b’adwene de, ɔtte sɔ.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Anyandera 16:21

Sona bɔ ɔyɔ ye nningyein nworɛ nu ne, bɛfrɛ ye badwemma, yeɛ sɛ sona noa dwirɛ yɛ fɛ a, ɔma mmenia nya nikyeesualɛ nu ngɔsoɛ.

Anyandera 16:24

Edwirɛ bɔ ɔyɛ fɛ ne, ɔte kyɛ woɛ bɔ ɔwɔ nzasameɛ nu ɔ, ɔte menemene ma sona kra, na ɔma aporɛnuserɛ.

Anyandera 20:14

Sona bɔ ɔtɔ nikyee ne, ɔkã kyɛ, “Ɔtte mayee, ɔtte mayee,” nakoso ɔkakyi ye nwo kɔ a, ɔfa hoahoa ye nwo.

Anyandera 20:16

Sɛ ebie di ɛwɔfoɛ agyinamuɛ a, de sɔ sona ne tena fa sie, yeɛ sɛ odi ebie bɔ ofi maen bie aso agyinamuɛ a, de awowaa fa sie.

Anyandera 25:12

Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Anyandera 3:15

Nworɛ nyɔboɛ yɛ se tra agudeɛ, na bɔ wɔ nye gye ye nwo biala, ɛngɔhora ngɔfa ngɔtoto nworɛ nwo.

Anyandera 5:2

amaa ɔnate so w’adwene nu abukye, ná wɔ noa ahã nimdeɛ dwirɛ.

Anyandera 8:10

Ɛ́mɔfa me foɛtulɛ ne, na nnɛma ɛmɔfa ɛdwetɛ, ɛ́mɔfa nimdeɛ, na nnɛma ɛmɔfa sikaa kɔkorɛ paa;

Anyandera 8:11

ofikyɛ nworɛ te paa tra agudeɛ, na bɔ ɛpena kyɛ enya ye biala, ɛngɔhora ngɔfa ngɔtoto nworɛ nwo.

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.