Anyandera 20:11 - AHYERƐLƐ KRONGRON

¹¹ Akwadaa po, ye yɔleɛ maa benwu ye suban, sɛ ye yɔleɛ nwo te oo, anaa ɔte paa oo.

Anyandera 20:11 Iomraidhean Croise

2 Aberɛso Dwirɛ 34:3

Nana Yosia lili hene ne, ye afoɛ mmɔtwɛ ne anu bɔ né ɔtɛte abɛɛmaa ne, ɔhyɛle ye bo kyɛ ɔso ye nana Dawide Nyameɛ ne. Ye afoɛ buru ne nyɔ ne anu, ɔhyɛle ye bo tutuli ɛhemɔ bo fili Yuda ne Yerusalem: asɔneyɛɛ mɔ, bosoen Asera dosii mɔ, yeɛ amoen bɔ base ne amoen bɔ bahuro nikyee bafa bayɔ ɔ.

Edwein 51:5

Amba, amumuyɛɛ nu yeɛ bɛwole me ɔ, na bɔne nu yeɛ me maame nwonzɛle me ɔ.

Edwein 58:3

Bɔnefoɛ befi bɛ ni akunu yeɛ bedi makyebu ɔ; befi b’aworɛ nu yeɛ bɛyɔ mvomsoɛ ɔ, na bɛnga nahorɛ.

Anyandera 20:12

Asoɛ bɔ ɔte dwirɛ, yeɛ anyeɛ bɔ onwu nikye, AWURADE yeɛ ɔyɔle bɛ munyɔ ɔ.

Anyandera 21:8

Amumuyɛɛniɛ yɔleɛ ndengyɛ, nakoso sona bɔ ye nwo te ne de, ye atee tengyɛ.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Mateo 7:16

Bɛ yɔleɛ yeɛ ɛmɔkɔfa bekonwu bɛ ɔ. Aso bɛtete bobe wɔ mmowue so, anaakyɛ bɛtete borɔdoma wɔ ɛfone so?

Luka 1:15

ofikyɛ ɔkɔyɛ sona titire wɔ Awurade nyunu, na ɔngɔno bobe nzaa anaa nzaa biala, na Sunzum Krongron koyi ye tɛkyɛ kofi oni akunu.

Luka 1:66

Na bɛ bɔ bɛtele ne amukoraa, bɛdwenene ye nwo paa, na bɛhane kyɛ, “Akwadaa he de, ɔkɔyɛ nzikyɛ sona ɛhe?” Ɔnate kyɛ né Awurade tumi wɔ ye so.