Anyandera 2:9 - AHYERƐLƐ KRONGRON

⁹ Na afei ɛkɔte tenenee, nahorɛlilɛ, pɛpɛɛpɛyɛlɛ ne atee bɔ ɔte paa biala bo.

Anyandera 2:9 Iomraidhean Croise

Edwein 119:105

Wɔ dwirɛ ne te me gya bo kanea, yeɛ ɔte hyireinn wɔ m’atee so.

Edwein 119:99

Me nimdeɛ tra bɛ bɔ bekyire me nikyee amukoraa, ofikyɛ wɔ noa dwirɛ nwo yeɛ medwenedwene ɔ.

Edwein 25:12

Nwa yeɛ ɔte sona bɔ osuro AWURADE ɔ? Ye yeɛ AWURADE kohyire ye atee bɔ odi kyɛ ɔfa so ɔ.

Edwein 32:8

(AWURADE nwa nyoo): Ngohyirehyire wɔ ná mahyire wɔ atee bɔ ɛfa so ɔ; me nye wɔ wɔ so, na ngotu wɔ foɛ.

Anyandera 28:5

Bɔnefoɛ nde pɛpɛɛpɛyɛlɛ bo, nakoso bɛ bɔ bɛpena AWURADE si atee ne de, bɛte ye mukoraa bo.

Anyandera 4:12

Yiti sɛ ɛnate a, wɔ gya ngɔto ngɔbrabra nu, yeɛ etu amirika koso a, engosoti.

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Anyandera 8:20

Tenenee atimbire so yeɛ mefa ɔ, mefa ndɛenbualɛ turoloo atee so.

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 48:17

AWURADE, wɔ Defoɛ, Yisrael Krongronniɛ ne, ɔnwa nyoo: “Me ole AWURADE, wɔ Nyameɛ, bɔ ɔte paa ma wɔ ne, me yeɛ mekyirekyire wɔ ɔ, atee bɔ odi kyɛ ɛfa so ne, me yeɛ mefa wɔ mefa so ɔ.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.