Anyandera 2:6 - AHYERƐLƐ KRONGRON

⁶ Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Anyandera 2:6 Iomraidhean Croise

1 Ahemvo 10:24

Aseɛ ye aso mmenia amukoraa hurole kyɛ bɛkɔhɔ Solomon gya so bekotie ye nworɛ dwirɛ bɔ Nyameɛ afa awura ye ti anu ne.

1 Ahemvo 3:12

tie, me koso ngɔyɔ kyɛbɔ abisa ne ala. Mama wɔ nworɛ ne adwene bɔ ɛkɔfa konwu nikyee bɔ ɔte paa ɔ. Wɔ sɛso ɔwwale le, na wɔ si koso bengonya wɔ sɛso.

1 Ahemvo 3:9

Yiti ma w’akoaa ndeaseɛ adwene bɔ ngɔfa ngɔla wɔ mmenia noa ɔ. Maa ngora nwu paa ne tɛɛ b’afia nzonzoleɛ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

1 Ahemvo 4:29

Nyameɛ mane Solomon nworɛ ne ndeaseɛ piri paa. Ye ndeaseɛ ne, ɔtrɛ kyɛ mboanoa anweaa,

1 Aberɛso Dwirɛ 22:12

Mesrɛ AWURADE kyɛ ɔ́ma wɔ nworɛ ne ndeaseɛ, amaa sɛ ɔfa Yisrael maen ne wura wɔ sa a, anea ali AWURADE wɔ Nyameɛ mmeraa ne aso.

Ɛsra 7:25

“Na wɔ, Ɛsra, wɔ Nyameɛ nworɛ bɔ wafa wama wɔ ne, gyina so yeye edwirɛlilɛfoɛ ne maenbulɛfoɛ bɔ bɛse wɔ Nyameɛ mmeraa ne, bɔ bɛkɔla mmenia amukoraa bɔ bɛwɔ asue Yufreti si mbɔtam noa bɛkɔtoto nikyee biala pɛpɛɛpɛ ɔ. Bɛ bɔ bɛnze mmeraa ne koso, ɔsɛ kyɛ ɛmɔkyirekyire bɛ.

Nehemia 7:5

Yeɛ Nyameɛ maa nyane adwene kyɛ atitire nemɔ, mbanyi nemɔ ne maen ne, mma bɛbɔ dwaa maa bɛhyerɛ bɛ dumaa kyɛbɔ bɛ mmusua mmusua te ɔ. Na nwuni mmusua mmusua nwomaa bɔ bɛ bɔ belili moa bɛwale ne, bɛ dumaa wɔ nu ɔ. Na nwuni kyɛ bahyerɛ ɛhe wɔ nu:

YOB NWOMAA NE 12:13

“Nyameɛ berɛ yeɛ nworɛ ne tumi wɔ ɔ, ye berɛ yeɛ foɛtulɛ ne ndeaseɛ wɔ ɔ.

YOB NWOMAA NE 12:16

Ye berɛ yeɛ anwoserɛ ne nworɛ wɔ ɔ, sona bɔ bɛlakalaka ye ne, ɔne nnakannakaniɛ ne, bɛ munyɔ bewura ye bo.

YOB NWOMAA NE 22:22

Di ye noa dwirɛ so, ná fa ye dwirɛ sie wɔ ti anu.

YOB NWOMAA NE 32:8

Nakoso sunzum bɔ ɔwɔ sona nu ne, Tuminiɛ ne, ye nwomeɛ bɔ ɔwɔ sona nu ne yeɛ ɔma sona nwu nworɛ ɔ.

Edwein 119:104

Wɔ nhyehyɛleɛ nu yeɛ menya nimdeɛ ɔ; yiti mekyi ngondombo atee biala.

Edwein 119:34

Ma me nimdeɛ, amaa ɔnate so mali wɔ mmeraa ne aso, na ngɔfa m’ahone amukoraa ngoli so.

Edwein 119:98

Wɔ mmeraa dwirɛ maa menwu nworɛ metra me pɔfoɛ mɔ, ofikyɛ ɔte me nu daa.

Edwein 19:7

AWURADE mmeraa ne te pɛpɛɛpɛ, ɔkanyane sona kra; AWURADE dwirɛ te nahorɛ, na ɔma sona tetekwaa onwu nworɛ.

Edwein 19:8

AWURADE ahyɛdeɛ te turoloo, ɔma sona ahone tɔ ye kunu; AWURADE mmeraa dwirɛ nwo te, na obukye sona nye.

Edwein 51:6

Amba, ɛpena nahorɛlilɛ wɔ sona nu, yiti maa nwu nworɛ wɔ me nu mvealeɛ nu dɔ.

Edwein 94:10

Bɔ ɔtwe maen maen mɔ so ne, aso ɔngɔhwe asoɛ? Ye yeɛ okyire mmenia nimdeɛ ɔ.

Ɛksadɔso 31:3

na mafa Nyameɛ Sunzum mawura ye nu maa wanya ndeaseɛ, nworɛ ne nimdeɛ wɔ adwiililɛ mukoraati nu;

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Yesaya 54:13

AWURADE kohyirehyire wɔ mma mukoraa nikye, na wɔ mma konya asomdwee pee.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.