Anyandera 2:2 - AHYERƐLƐ KRONGRON

² sɛ ɛyɛ asoɛ tie nworɛ dwirɛ, ná ɛma w’adwene nya ndeaseɛ,

Anyandera 2:2 Iomraidhean Croise

Edwein 90:12

Yiti kyire yɛ maa yɛnwu kyɛbɔ yɛkosi yɛkɔha yɛ ngyẽa ɔ, amaa ɔnate so yafa nworɛ yabɔ yɛ bra.

Anyandera 18:1

Sona bɔ ɔpena ye ngome ye yeeyɛlɛ ne, ɔpena ye ngome ye deɛ, na onne nzusuleɛ paa biala ndo nu.

Anyandera 2:3

amba, sɛ ɛtea nu frɛ kyɛ ɛpena adwene bɔ nu pi, ná ɛma wɔ komvi so kyɛ ɛpena ndeaseɛ,

Anyandera 23:12

Ma w’adwene hɔ foɛtulɛ so, ná ma wɔ so bra nimdeɛ dwirɛ so.

Anyandera 4:1

Mmaa, ɛ́mɔtie ɛmɔ baba mɔ foɛtulɛ, ná ɛ́mɔyɛ asoɛ betie, amaa ɔnate so ɛmɔsua nworɛ.

Anyandera 4:20

Mma, tie me dwirɛ, yɛ asoɛ tie edwirɛ bɔ mekã ne.

Anyandera 6:32

Nakoso bienzua bɔ ɔne ebie aye bɛda ne de, adwene nne ye ti anu, sona bɔ ɔyɔ sɔ ne, ɔfa sɛkye ye bɔbɔ ye kra.

Nworɛ Dwirɛhanɛniɛ 7:25

Mvale m’adwene nziele so kyɛ ngonwu nworɛ, ɔne kyɛ ngɔfeefee nu ngɔpena nworɛ ne nningyein bɛ bo telɛ ɔ, ɔne kyɛ ngonwu amumuyɛɛ kyɛ ɔte ngwaseasɛm, ná ngonwu ngwaseasɛm kyɛ ɔte ɛlaenbɔlɛ ɔ.

Nworɛ Dwirɛhanɛniɛ 8:16

Yiti mva nziele me nye so kyɛ ngɔpena nworɛ si atee, ɔne kyɛ ngonwu ɛfɛɛ adwuma bɔ ɔkɔ so wɔ aseɛ so ɔ, kyɛbɔ sona onnya nnaa nna eyia ne kɔngɔen ne;

Nworɛ Dwirɛhanɛniɛ 8:9

Manwu ɛhemɔ amukoraa, na medwene nningyein amukoraa bɔ bɛyɔ ye wiase ne anwo: Mmerɛ bie wɔ berɛ a, sona fa ye tumi sisi obiɛngo maa ɔkakyi ye so amaneɛ.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Mateo 13:9

Bɔ ole asoɛ kotie ne, maa otie!”

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.