Anyandera 2:10 - AHYERƐLƐ KRONGRON

¹⁰ Ofikyɛ ekonwu nworɛ, nimdeɛ kɔma wɔ kra nye kɔgye,

Anyandera 2:10 Iomraidhean Croise

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 119:111

Wɔ noa dwirɛ ne te m’agyapadeɛ afebɔɔ; na ɔma me anigye wɔ m’ahone nu.

Edwein 119:162

Medi ahurusi wɔ wɔ dwirɛ ne anwo, kyɛ ebie bɔ wanya koɛ nu nzesadeɛ pee ɔ.

Edwein 119:97

Ao, kyɛbɔ mesi mekuro wɔ mmeraa ne ɔ! Ye nwo yeɛ medwenedwene daa ɔ.

Edwein 19:10

Nhyehyɛleɛ ne di mu tra esikaa kɔkorɛ, ɔtra esikaa kɔkorɛ paa po. Ɔte menemene tra woɛ, na ɔtra woɛ bɔ ofi nzasameɛ nu ɔpepe ɔ.

Anyandera 1:4

Ɔma sona bɔ ye adwene te kãa ɔ onwu nworɛ, na ɔma mmerandeɛ nimdeɛ ne adwene nu bukyelɛ.

Anyandera 14:33

Sona bɔ ole ndeaseɛ ne, nworɛ wɔ ye ti anu, nakoso bɔ ɔwɔ ngwaseafoɛ nu de, ɔda ali pefee.

Anyandera 22:18

ofikyɛ ɔte paa ma wɔ kyɛ ɛkɔfa kosie wɔ ti anu, bɔ ye mukoraa ɔla wɔ noa ɔ.

Anyandera 4:6

Nnɛpo nworɛ, na ɔkɔnea wɔ so, kuro ye dwirɛ, na ɔkɔbɔ wɔ nwo waen.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.