Anyandera 2:1 - AHYERƐLƐ KRONGRON

¹ Mma, sɛ etie me dwirɛ, ná ɛma me mmeraa dwirɛ nemɔ ka wɔ ti anu,

Anyandera 2:1 Iomraidhean Croise

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 90:12

Yiti kyire yɛ maa yɛnwu kyɛbɔ yɛkosi yɛkɔha yɛ ngyẽa ɔ, amaa ɔnate so yafa nworɛ yabɔ yɛ bra.

Anyandera 1:3

kyɛ ɔkɔfa konya nworɛ dwirɛ nu ngyerɛkyerɛ, yeɛ tenenee, ndɛenbualɛ turoloo ne pɛpɛɛpɛyɛlɛ.

Anyandera 28:7

Ebiala bɔ odi mmeraa so ne, ɔte baa nworɛniɛ, nakoso bɔ ɔfa ye nwo bɔ asanzafoɛ ne de, ɔtwetwe animguaseɛ brɛ ɔse.

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Anyandera 4:1

Mmaa, ɛ́mɔtie ɛmɔ baba mɔ foɛtulɛ, ná ɛ́mɔyɛ asoɛ betie, amaa ɔnate so ɛmɔsua nworɛ.

Anyandera 4:10

Mma, tie me dwirɛ ná di so, amaa ɔnate so anya ngoa tendenn.

Anyandera 6:21

Bɔ ye borɛ fa to wɔ ti anu daa, ná kyekye fa ya wɔ kɔme.

Anyandera 7:1

Mma, di me dwirɛ so, ná fa me mmeraa dwirɛ ne sie wɔ ti anu.

Anyandera 8:1

Aso nworɛ ɔndea nu mvrɛ? Aso ndeaseɛ ɔmma ye komvi so ndwudwo?

Anyandera 9:1

Nworɛ asi ye sua, wase ye bonima nzoo nemɔ.

Mateo 13:44

“Nyameɛso ahennie ne, ɔte kyɛ agyapadeɛ bie bɔ bafa bafea fie bie aso, bɔ ebie oonwuni ye fa feale, ná ye fɛɛ bɔ ɔyɛle ye ne ati, ɔɔtɔnene ye agyapadeɛ amukoraa fa tɔle fie ne ɔ.

Luka 2:19

Na Maria de, ɔfale edwirɛ hemɔ amukoraa siele, na ɔdwenene ye nwo wɔ ye ti anu.

Luka 2:51

Na ɔne bɛ besa bɛhɔle Nasarɛte, na ɔbrɛle ye nwo ase mane bɛ. Na ye maame fale edwirɛ hemɔ amukoraa siele ye ti anu.

Luka 9:44

“Ɛ́mɔma edwirɛ bɔ mebaahã ye ɔhɔ ɛmɔ so anu; ofikyɛ bɛbaaye Sona Awa ne bewura mmenia sa.”

Deuteronomi 30:13

Yeɛ ɔnne ɛpo asi dɔ, ná aha kyɛ, ‘Nwa yeɛ ɔkɔpɛ ɛpo ne kɔhɔ ye si kɔma yɛ, bɔ ɔkɔɔfa kɔbrɛ yɛ maa yɛkɔte ná yali so ɔ?’

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.