Anyandera 19:6 - AHYERƐLƐ KRONGRON

⁶ Mmeni pee pena kyɛ bɛsɔ sona bɔ ye sa bo nyɛ se ɔ nye, na ebiala fa sona bɔ ɔyɛ adɔeɛ ɔ adamvoa.

Anyandera 19:6 Iomraidhean Croise

Gyenesise 32:20

na ɛmɔhã behyire ye kyɛ, ‘Asa koso, w’akoaa Yakob li yɛ si.’ ” Osusuli kyɛ, “Ngɔfa akyɛdeɛ bɔ wali me nyunu moa ye ngɔpata ye, na sɛ nziɛ ye me ne ye yɛyia a, mede medi kyɛ okole me kɔto nu.”

Gyenesise 42:6

Né Yosef yeɛ ɔte amrado wɔ maen ne anu ɔ. Né ye yeɛ ɔtɔne aleɛ ma maen ne anu ama mukoraa ɔ. Yosef aliɛma mɔ wale, na bɛfale bɛ nyunu bebutubutuli ase bɛkotole ye.

Gyenesise 43:15

Yiti ye mma nemɔ fale akyɛdeɛ ne, besa bɛfale sikaa ne mmɔhoɛ nyɔ, ɔne Benyamin bɛbokale so, na besili nu bɛhɔle Yosef berɛ wɔ Misraim.

Edwein 45:12

Tirofoɛ bɛkɔfa akyɛdeɛ pee bɛkɔwa, bɛ nu sikafoɛ paa nemɔ po; bɛkɔfa akyɛdeɛ ahoroɔ bɛkɔɔpena wɔ berɛ animnyam.

Anyandera 16:15

Sɛ ɛhene nyunu yɛ sereserelɛ a, ɔte ngoa, yeɛ sɛ ɔdo wɔ a, ɔte kyɛ munungum bɔ ɔtɔ bamborɔ ɔ.

Anyandera 17:8

Fea-ase-ma ɔte kyɛ tafo wɔ sona bɔ ɔfa ma ne nye so, nekaa biala bɔ sɔ sona ne kowura ne, nningyein kɔ yé ma ye.

Anyandera 18:16

Sona akyɛdeɛ bukye atee ma ye, na ɔmaa onya atee kɔ mmeni titire nyunu.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 21:14

Mvealeɛ nu akyɛdeɛ brɛ ɛyaafɛlɛ ase, yeɛ fea-ase-ma kudɛɛ ma ahonehulɛ tɔ nzue nu.

Anyandera 29:26

Mmenia pee bɛpena maenbulɛniɛ ye nyunu animnyam, nakoso AWURADE berɛ yeɛ sona nya pɛpɛɛpɛyɛlɛ ɔ.

Mateo 2:11

Na bɛworole awuro ne anu nen, benwuni adɔma ne ne oni Maria, na bɛkotole bɛsɔnene ye. Afei bɛsangyele bɛ nningyein nu, na bɛhyɛle ye esikaa kɔkorɛ, ayirefona ne korobo.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.