Anyandera 19:3 - AHYERƐLƐ KRONGRON

³ Sona bɔbɔ ye gyiminɛ yeɛ ɔma ye ayieleɛ yie ye ɔ, nakoso ɔpɛ ye nwo fɛ AWURADE so yaa.

Anyandera 19:3 Iomraidhean Croise

2 Ahemvo 6:33

Na ogu so ɔne bɛ dwudwo ne, ɛbɔfoɛ ne wale ye berɛ osele kyɛ, “AWURADE yeɛ wama amaneɛ he awa ɔ! Nzu ati yeɛ odi kyɛ mekɔ so mefa me nwo meto ye so ɔ?”

YOB NWOMAA NE 15:13

bɔ ɔnate so ama w’ahone ahu Nyameɛ so, bɔ ama sɔ dwirɛ ne afite wɔ noa ɔ?

Edwein 37:1

Nnɛma bɔnefoɛ bɛ nwo adwenedwene tɔ wɔ so, yeɛ nnɛma wɔ nye boro amumuyɛɛfoɛ,

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Anyandera 11:3

Sona bɔ ye bra te sannwuu ne, ye nahorɛlilɛ kyire ye atee, nakoso ngondombofoɛ bɛ nnakannaka fa bɛ kɔ ɛsɛkyelɛ nu.

Yesaya 32:6

Ofikyɛ kwaseaa kekã ngwaseaa dwirɛ, na ɔdwene adwene tɛɛ bɔ ɔmaa ɔyɔ amumuyɛɛ ɔ, ɔkekã AWURADE nwo dwirɛ tɛɛ, ɔma bɔ ɛhɔen ku ye ɔ ye noa aleɛ bɔ ye, na ɔmma bɔ nzuhɔen ku ye ɔ nnya nzue nno.

Awuye 3:39

Nzu ati yeɛ odi kyɛ dasaniɛ ɔbɔ somoɛ wɔ ye bɔne nwo asohwenɛ nwo ɔ?

Hesekiel 18:25

“Nakoso ɛmɔnwa: ‘AWURADE atee ndengyɛ.’ O Yisrael awuro ama, nzaade ɛ́mɔtie e: Aso m’atee ndengyɛ anaa? Aso nna ɛmɔ atee mmom yeɛ ɔndengyɛ ɔ?

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”