Anyandera 19:23 - AHYERƐLƐ KRONGRON

²³ AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

Anyandera 19:23 Iomraidhean Croise

Edwein 103:17

Nakoso AWURADE ye ɔdɔ bɔ onni ngasi ne, ɔwɔ berɛ ofi tetetete bɔ ɔkwaadwu afebɔɔ ma bɛ bɔ besuro ye ɔ, na ye tenenee wɔ berɛ ma bɛ mma ne bɛ nnomaa mɔ;

Edwein 19:9

AWURADE surolɛ te krongron, na esurolɛ ne tena berɛ afebɔɔ. AWURADE nhyehyɛleɛ te nahorɛ, na ye mukoraa tengyɛ.

Edwein 25:13

Ye kra kɔtena asomdwee nu, na ye boso ama konya aseɛ ne maa ɔkɔyɛ b’agyapadeɛ.

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Edwein 90:14

Wɔ ɔdɔ bɔ onni ngasi ne, maa obu so ma yɛ ngyerɛmɔ, amaa ɔnate so yali ahurusi ná yɛ nye agye wɔ yɛ ngyẽa amukoraa nu.

Edwein 91:10

edwirɛ tɛɛ biala ngɔto wɔ, ɛhawo piri biala ngopingye w’awuro.

Edwein 91:16

Ngɔma ye ngoa tendenn ma ye ahone kɔtɔ ye kunu, na ngɔmaa okonwu me ngoalelɛ ne.

Anyandera 10:27

AWURADE surolɛ ma ngoa tendenn, nakoso bɔnefoɛ de, ye ngoa so pɛ tika.

Anyandera 11:19

Sona bɔ ye bra tengyɛ ne, onya ngoa, nakoso bɔ odi bɔne si ne de, onya ewue.

Anyandera 12:21

Musue biala ndo teneneeniɛ, nakoso bɔnefoɛ de, wafa amaneɛ wasĩ.

Anyandera 19:22

Nahorɛlilɛ yeɛ bɛpena ye wɔ sona nu ɔ, na ɔte paa kyɛ ɛkɔyɛ hianiɛ tra kyɛ ɛkɔyɛ nnakannakaniɛ ɔ.

Anyandera 22:4

Anwobrɛaseɛ ne AWURADE surolɛ nwo akatuaa yeɛ ɔfa anwonya, animnyam ne ngoa ba ɔ.

Anyandera 3:24

Sɛ ɛkɔda a, engosuro, yeɛ sɛ ɛda a, wɔ nnaa kɔyɛ wɔ fɛ.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 5:6

“Bɛ bɔ tenenee nwo hɔen ne nzuhɔen ku bɛ ne banya saleɛ, ofikyɛ bɛ yeɛ Nyameɛ kɔma bɛ ko koyi ɔ.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.