Anyandera 19:22 - AHYERƐLƐ KRONGRON

²² Nahorɛlilɛ yeɛ bɛpena ye wɔ sona nu ɔ, na ɔte paa kyɛ ɛkɔyɛ hianiɛ tra kyɛ ɛkɔyɛ nnakannakaniɛ ɔ.

Anyandera 19:22 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

2 Aberɛso Dwirɛ 6:8

Nakoso AWURADE sele me baba Dawide kyɛ, ‘Ayɛ nikyee kyɛ adwene ye nwo kyɛ ekosi sua kɔfa me dumaa kɔto so ɔ.

YOB NWOMAA NE 17:5

Ebiala bɔ ɔye ye damvo mɔ ma, maa ɔnate so onya b’agyapadeɛ nu kyɛfa ne, sɔ bɔne ne nwo akatuaa kɔwa ye mma so.

YOB NWOMAA NE 6:15

Nniɛma mɔ, bedi ngasi kyɛ asue ba bɔ ɔtengyɛ asuso mmerɛ ngome ɔ, bɛte kyɛ asueba bɔ ɔwewe ɔ,

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 19:23

AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;