Anyandera 19:21 - AHYERƐLƐ KRONGRON

²¹ Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 19:21 Iomraidhean Croise

Gyenesise 50:20

Ɛmɔ de, ɛmɔambena me ne paa, nakoso Nyameɛ nhyehyɛleɛ maa ɔkakyili paa; kyɛ ɔnate so okole mmeni pee ngoa, kyɛbɔ afei wala ali ye.

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

Ɛseta 9:25

Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

YOB NWOMAA NE 23:13

Ye de, ye adwene nzesã, nwa yeɛ ɔkɔhora maa ɔkɔkakyi ye adwene ɔ? Bɔ okuro ne yeɛ ɔyɔ ɔ.

Edwein 21:11

Sɛ bɛbɔ wɔ nwo porɛ, yeɛ sɛ bɛfa wɔ nwo adwene tɛɛ a, ɔngɔyɛ yé.

Edwein 83:4

Bɛnwa, “Ɛmɔbra maa yɛnua bɛ maen ne aboso, amaa ɔnate so ebiala wangaye Yisrael dumaa ko.”

Anyandera 12:2

Sona paa sɔ AWURADE nye, nakoso sona bɔ ɔdwene adwene tɛɛ de, AWURADE bua ye fɔ.

Anyandera 16:1

Kuro sona yɛ nhyehyɛleɛ wɔ ye ti anu, nakoso temverema ye mmuayɛɛ ofi AWURADE berɛ.

Anyandera 16:9

Sona fa ye adwene susu bɔ ɔkɔyɔ ɔ nwo, nakoso AWURADE yeɛ okyire ye atee ɔ.

Anyandera 19:22

Nahorɛlilɛ yeɛ bɛpena ye wɔ sona nu ɔ, na ɔte paa kyɛ ɛkɔyɛ hianiɛ tra kyɛ ɛkɔyɛ nnakannakaniɛ ɔ.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Nworɛ Dwirɛhanɛniɛ 7:29

Tie, ɛhe angome yeɛ manwu ye ɔ: Nyameɛ bɔle kuro sona ferengyemm, nakoso kuro sona ama nningyein pee bo telɛ ali ye ti.

Yesaya 14:24

Asafo AWURADE ata ndaen kyɛ, “Kyɛbɔ masusu ye nwo ne, sɔ ala yeɛ okosi ɔ, kyɛbɔ mayɛ m’adwene ne, sɔ ala yeɛ ɔkɔwa nu ɔ:

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Yeremia 44:29

Na ɛhe kɔyɛ sɛngyerɛnneɛ kɔma ɛmɔ, AWURADE noa dwirɛ ɛne, kyɛ ngɔhwe ɛmɔ so wɔ wa, amaa ɔnate so ɛmɔanwu kyɛ amba, me noa dwirɛ kɔwa nu kɔprapra amaneɛ kogua ɛmɔ so.

Hesekiel 20:32

“Bɔ ɔwɔ ɛmɔ adwene nu ne, ɔngɔwa nu le. Ɛmɔnwa: Ɛ́mɔma yɛyɛ kyɛ maen maen nemɔ, kyɛ aseɛ nemɔ aso mmusua nemɔ, ná yɛsɔne bakaa ne nyɔboɛ.

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.