Anyandera 19:20 - AHYERƐLƐ KRONGRON

²⁰ Tie foɛtulɛ ná de ngyerɛkyerɛ to nu, amaa ɔnate so anwu nworɛ kyẽa bie.

Anyandera 19:20 Iomraidhean Croise

Edwein 37:37

Hyɛ sona bɔ ye bra te sannwuu ɔ nzorɛ, ná nea teneneeniɛ, ofikyɛ sɔ sona ne, ye ayieleɛ te asomdwee.

Edwein 90:12

Yiti kyire yɛ maa yɛnwu kyɛbɔ yɛkosi yɛkɔha yɛ ngyẽa ɔ, amaa ɔnate so yafa nworɛ yabɔ yɛ bra.

Edwein 90:14

Wɔ ɔdɔ bɔ onni ngasi ne, maa obu so ma yɛ ngyerɛmɔ, amaa ɔnate so yali ahurusi ná yɛ nye agye wɔ yɛ ngyẽa amukoraa nu.

Anyandera 1:2

Anyandera nemɔ botaeɛ ole kyɛ: sona kɔfa so konwu nworɛ, ná okonya ngyerɛkyerɛ, ná ɔkɔte edwirɛ bɔ nu pi ɔ bo;

Anyandera 1:3

kyɛ ɔkɔfa konya nworɛ dwirɛ nu ngyerɛkyerɛ, yeɛ tenenee, ndɛenbualɛ turoloo ne pɛpɛɛpɛyɛlɛ.

Anyandera 1:8

Mma, tie wɔ baba dwirɛ, yeɛ nnɛpo wɔ maame foɛtulɛ,

Anyandera 12:15

Kwaseaa dwene kyɛ ye atee bɔ ɔnate so ɔ te paa, nakoso bɔ otie foɛtulɛ ne de, ɔte nworɛniɛ.

Anyandera 13:10

Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Anyandera 15:32

Sona bɔ ɔpo foɛtulɛ ne, obu ye bɔbɔ ye kra animtia, na bɔ otie anyunuhanɛ ne de, ɔyɛ badwemma.

Anyandera 19:19

Sona bɔ ye ahone hu mbiri mbiri ne, okonya ye nwo asohwenɛ, sɛ ɛpepɛ de ye a, sana esa pepɛ de ye bieku.

Anyandera 4:1

Mmaa, ɛ́mɔtie ɛmɔ baba mɔ foɛtulɛ, ná ɛ́mɔyɛ asoɛ betie, amaa ɔnate so ɛmɔsua nworɛ.

Anyandera 8:14

Foɛtulɛ ne nworɛ paa te me deɛ, me ole ndeaseɛ, na me nwo yɛ se.

Anyandera 8:33

Ɛ́mɔtie foɛtulɛ ná ɛmɔnwu nworɛ, na nnɛma ɛmɔpo ye.

Yeremia 6:8

Ao Yerusalem, fa ɛhe tu wɔ nwo foɛ, wanyɛ sɔ a, me kra kɔhwe ye nwo kofi wɔ nwo, na ngɔmaa ɛkɔkakyi kurofoen, aseɛ bɔ sona biala ɔtte so ɔ.

Sefania 3:7

Ngane kyɛ, ‘Esurolɛ yeɛ odi kyɛ esuro me ɔ, me ngyerɛkyerɛ yeɛ odi kyɛ etie ɔ, amaa ɔnate so mannua wɔ boso wɔ bɔ mahyehyɛ mama wɔ amukoraa nwo; nakoso ɛmɔkɔ so bɛma ɛmɔ yɔleɛ amukoraa yɛ bɔne.”

Numeri 23:10

Nwa yeɛ ɔkɔhora kɔha Yakob boso ama bɔ bɛ somaa te kyɛ mvuture ɔ, anaakyɛ ɔkɔhora kɔha Yisraelfoɛ nna nu ngyɛmuɛ ko ɔ? Ma me wue yɛ kyɛ mmenia bɔ bɛtengyɛ ɔ bɛ wue, ná m’ayieleɛ ɔyɛ kyɛ bɛ deɛ!”

Deuteronomi 32:29

Sɛ bɛse nworɛ a, ahaa bɛkɔte ɛhe abo, ná banwu kyɛbɔ b’ayieleɛ kosi koyie bɛ ɔ!

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.