Anyandera 19:16 - AHYERƐLƐ KRONGRON

¹⁶ Sona bɔ odi mmeraa dwirɛ ne aso ne, ɔpena ye kra ngoa, nakoso bɔ ɔnnea ye atee bɔ ɔnate so yé ne, okowu.

Anyandera 19:16 Iomraidhean Croise

YOB NWOMAA NE 5:2

Susu amba kyɛ, ɛyaafɛlɛ ku ngwaseafoɛ, yeɛ anyeboroborolɛ koso oku bɛ bɔ bagyimi ɔ.

Edwein 103:18

ɔwɔ berɛ ma bɛ bɔ bedi ye apam ne aso, ná bɛkaye ye mmeraa dwirɛ ne kyɛ bekoli so ɔ.

Anyandera 13:13

Sona bɔ ɔmva foɛtulɛ nyɛ huu ne, ɔtwetwe amaneɛ brɛ ye nwo, nakoso bɔ odi mmeraa dwirɛ so ne de, okonya akatuaa wɔ so.

Anyandera 15:32

Sona bɔ ɔpo foɛtulɛ ne, obu ye bɔbɔ ye kra animtia, na bɔ otie anyunuhanɛ ne de, ɔyɛ badwemma.

Anyandera 16:17

Teneneeniɛ atimbire ɔmmakye ngɔ bɔne nu, yiti ebiala bɔ ɔnea ye agyirɛtulɛ nu yé ne, onya ngoa.

Anyandera 21:16

Sona bɔ odi nimdeɛ atee nwo makyebu ne, awufoɛ mɔ nu yeɛ ɔkɔtena ɔ.

Anyandera 21:23

Ebiala bɔ ɔnea ye noa ne ye dwudwolɛ so yé ne, ɔtwe ye kra fi amaneɛ nu.

Anyandera 22:5

Mmowue ne ngaen wɔ bɔnefoɛ atee so, na ebiala bɔ ye ngoa nwo hia ye ne, ɔtwe ye nwo fi bɛ nwo.

Anyandera 29:18

Nekaa bɔ mmenia bɛndwene kyẽa bie ngɔsoɛ nwo ne, maen ne anu yɛ basaa, nakoso sona bɔ odi mmeraa ne aso ne, onya saleɛ.

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 8:5

Sona biala bɔ odi mmeraa so ne, edwirɛ ndo ye, amba, nworɛniɛ adwene ɔse mmerɛ ne ne ndɛenbualɛ ne.

Yeremia 7:23

Nakoso mmeraa bɔ mva mane bɛ ole kyɛ, ‘Ɛ́mɔtie me dwirɛ, na ngɔyɛ ɛmɔ Nyameɛ, ná ɛmɔ wora ɛmɔayɛ me maen. Na atee amukoraa bɔ nhyehyɛle mmane ɛmɔ ne, so ala yeɛ odi kyɛ ɛmɔfa ɔ, amaa ɔnate so wayie ɛmɔ yé.’

Hesekiel 33:5

Ɔtele totorobɛndo hulɛ ne, nakoso wamva kɔkɔbɔlɛ ne wanyɛ huu; ye mogya kɔbɔ ye bɔbɔ ye ti so. Nakoso ebiala bɔ otie kɔkɔbɔlɛ ne, onya ngoa ma ye kra.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Luka 10:28

Na Yesu sele ye kyɛ, “Ama mmuayɛɛ yé; yɔ sɔ, na ekonya ngoa.”

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

1 Korintofoɛ 7:19

Ofikyɛ bapɛ wɔ bienzua oo, bɛppɛle wɔ bienzua oo, onhia; na mmom Nyameɛ mmeraa ne aso lilɛ yeɛ ohia ɔ.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.