Anyandera 19:14 - AHYERƐLƐ KRONGRON

¹⁴ Awuro ne anwonya te agyapadeɛ bɔ seɛ fa yakyi mma ɔ, nakoso braa badwemma de, ofi AWURADE berɛ.

Anyandera 19:14 Iomraidhean Croise

Gyenesise 24:44

na ye wora okobua me kyɛ, “No bie, na ngɔɔsa bie ngɔma w’afupɔngɔ nemɔ koso” nen, maa ɔyɛ braa bɔ AWURADE asiesie ama me mene awa ne ɔ.’

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Anyandera 13:22

Sona paa yakyi ye nnomaa agyapadeɛ, nakoso bɔnefoɛ anwonyadeɛ de, okooli teneneefoɛ sa nu.

Anyandera 18:22

Bienzua bɔ okonya yeɛ ne, wanya nikye paa, na AWURADE alo ye.

Anyandera 3:6

Wɔ bra mukoraa, maa Nyameɛ bra nu, na okohyire wɔ atee maa ɛkɔfa so.

2 Korintofoɛ 12:14

Ye pɛen nza ɛhe yeɛ maboaboa me nwo kyɛ meba ɛmɔ berɛ ɔ. Memmanyɛ ɛmɔ so tɔsom, ofikyɛ membena ɛmɔ dɔ nikye fee, na mmom mepena ɛmɔ bɔbɔ deinn. Ofikyɛ nna mmaa yeɛ bɛpena nikyee bɛyakyi awofoɛ ɔ, na mmom awofoɛ yeɛ bɛpena bɛyakyi mmaa ɔ.

Deuteronomi 21:16

ye de kyẽa bɔ biaa ne ɔ́kyɛ ye agyapadeɛ ma ye mma ne, ɔnzɛ kyɛ obu ye yɛyerɛ braa n’awa ne kyɛ ɔte panyi wɔ braa bɔ onguro ye n’awa ne aso, ofikyɛ ye yeɛ ɔte bamuɛbaa ɔ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

1 Samuel 25:3

Sɔ biaa ne li Nabal, yeɛ ɔye koso li Abigail. Né braa ne te nworɛniɛ bɔ ye nwo koso yɛ nyemene ɔ; nakoso biaa ne de, né ye ti anu yɛ se, yeɛ ye sa bo koso yɛ se. Biaa ne te Kalebo bosoniɛ.