Anyandera 19:12 - AHYERƐLƐ KRONGRON

¹² Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 19:12 Iomraidhean Croise

Gyenesise 27:28

Nyameɛ ɔ́tɔ nyameɛso bosue ne bie ógua wɔ so, na ɔ́ma wɔ aseɛ so nningyein paa, ɔne aburoo ne bobe nzaa pee.

2 Samuel 23:4

ɔte hyireinn kyɛ eyia bɔ wapukye ngyerɛmɔ ɔ, bɔ munungum nne ye nyunu ɔ, ɔte kyɛ eyia bɔ esue tɔ gua ndire so a, ɔbɔ so ɔ.

Ɛseta 1:12

Sayɛɛ nemɔ fale Nana Ahasuro ngraa ne bɛɛmane Nana hemmaa Wasiti, nakoso wamma. Ye sɔ ati, Nana Ahasuro ahone huli, na ɔfɛle yaa hahii.

Ɛseta 7:8

Mmerɛ bɔ Nana Ahasuro fili ahemvie turo ne anu sa wale ɛpoentolɛ ne abo nen, né Haman ato ye nwo waatɔ nnamu bɔ Ɛseta la nu ne aso, na Nana Ahasuro sele kyɛ, “Eh, me nyunu wa po, wɔ m’awuro wa, yeɛ ɛbaato Nana hemmaa mmɔnaa ye!” Na Nana Ahasuro noa ambe, yeɛ bɛkyekyele Haman nye ɔ.

Edwein 133:3

Ɔte kyɛ Hɛmɔn bosue bɔ ɔtɔ gua Sion mmokaa so ɔ. Ofikyɛ berɛ yeɛ AWURADE ahyehyɛ saleɛ, bɔ ɔte ngoa afebɔɔ ɔ.

Edwein 72:6

Ɛhene ne, maa ɔyɛ kyɛ esue bɔ ɔtɔ gua ɛserɛ bɔ bapɛ so ɔ so, kyɛ nyenyenzue bɔ ɔdoadoa aseɛ so ɔ.

Anyandera 20:2

Sɛ ɛhene fɛ yaa hahii a, ɔte kyɛ gyata bɔ opo ɔ, ebiala bɔ okohu ye ahone ne, ɔfa ye ngoa pɛ so.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Nworɛ Dwirɛhanɛniɛ 8:4

Ɔnate kyɛ, ɛhene noa dwirɛ te tumi, na nwa yeɛ ɔkɔhora kobisa ye kyɛ, “Na nzu yeɛ ɛyɔ ye?”

Yesaya 18:4

Ofikyɛ bɔ AWURADE ahã ahyire me ɛhe: “Ngɔtena nekaa bɔ nde ne konn ngɔto me nye ngɔnea, kyɛbɔ eyia bɔ a, ahuhuro ba ɔ, kyɛbɔ ɛborɔ gua pee wɔ mmerɛ bɔ bɛfa fieso aleɛ ɔ.”

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Hosea 14:5

Ngɔyɛ kyɛ bosue ngɔma Yisrael: ɔkɔfefɛ kyɛ sukooko, na okonya ndii kyɛ Lebanon.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Deuteronomi 33:28

Yiti Yisrael te asomdwee nu, nikye fee nha Yakob atenaleɛ, bɔ ɔwɔ aburoo ne nzaa aseɛ so ne, nekaa bɔ anwuro tɔ bosue gua ase ɔ.