Anyandera 19:10 - AHYERƐLƐ KRONGRON

¹⁰ Anwonya mvata kwaseaa, yeɛ ɔtte mayee kyɛ kanganiɛ koli nnehyeɛ so ɔ.

Anyandera 19:10 Iomraidhean Croise

2 Samuel 3:39

Ɔwɔ nu kyɛ bapopa me ngoo bafa me basi hene de, nakoso ɛnɛ de, Seruya mma nemɔ bama me nwo ahyere me. Sɔ mmenia hemɔ, mebɔ bɛ kyɛnn so a ɔmmɔ. Na sona bɔ ɔyɔ bɔne ne, AWURADE kotua ye kerɛ kyɛbɔ ye bɔne yɔleɛ te ɔ!”

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Anyandera 17:7

Kwaseaa nze edwirɛ bɔ bɛkã ye kama ɔ, yeɛ nnakannaka dwirɛ hanɛ koso mvata dehyeɛ.

Anyandera 26:1

Kyɛbɔ asukɔtwea mvata ahuhuro mmerɛ, ná esue koso mvata fieso aleɛfalɛ mmerɛ ne, sɔ ala yeɛ animnyam mvata kwaseaa ɔ.

Yesaya 3:5

Mmenia kɔhyɛ bɛ mmango so, bɛkɔhyɛ bɛ biɛngo so, ebiala kɔhyɛ obiɛngo so. Mmerandeɛ ne ndaluwa bɛ nye ngɔsɔ mbanyi, yeɛ kwahweabaa koso ye nye ngɔsɔ animnyamniɛ.

Hosea 9:1

Ao Yisrael, nnɛdi ahurusi! Nnɛma wɔ nye gye kyɛ maen maen nemɔ, ofikyɛ afi wɔ Nyameɛ si aabɔ gyandera. Ahuro gyanderaniɛ akatuaa, wɔ nekaa amukoraa bɔ bɛboro aburoo ɔ.

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Yakobo 4:9

Ɛ́mɔli yealɛ, ɛ́mɔma ɛmɔ wora bɔ, ná ɛ́mɔsu! Ɛ́mɔma ɛmɔ aserekyekye kakyi aworabɔlɛ, ná ɛmɔ ahurusililɛ kakyi anwumvoin anwumvoin.

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.