Anyandera 18:21 - AHYERƐLƐ KRONGRON

²¹ Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Anyandera 18:21 Iomraidhean Croise

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Anyandera 10:31

Teneneeniɛ ye noa dwirɛ te nworɛ dwirɛ, nakoso temverema bɔ ɔlakalaka ne de, bɛkɔpɛ bɛkɔto.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 12:13

Bɔnefoɛ noa dwirɛ tɛɛ osua ye bɔbɔ ye ngaen kye ye, nakoso teneneeniɛ de, onya ye ti didi nu fi amaneɛ nu.

Anyandera 21:23

Ebiala bɔ ɔnea ye noa ne ye dwudwolɛ so yé ne, ɔtwe ye kra fi amaneɛ nu.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Yesaya 57:19

Asomdwee, asomdwee hã bɔ ɔwɔ nziɛ nziɛ ne bɔ opingye ɔ, AWURADE noa dwirɛ ɛne; na ngɔsa ye anwonyerɛ.

Hosea 10:13

Ɛmɔafundam bɔne yɔleɛ, ɛmɔapɛ amumuyɛɛ; ɛmɔali ngondombo mmaa. Ofikyɛ ɛfale wɔ nwo tole w’anwoserɛ so, wɔ koɛhonɛfoɛ ahoneserɛfoɛ nemɔ bɛ somaa so.

2 Korintofoɛ 11:15

Yiti sɛ ye asomafoɛ mɔ koso bɛkakyi bɛ nwo kyɛ tenenee somvoɛ mɔ a, ɔnyɛ nwanwa, na b’ayieleɛ koyie bɛ kyɛbɔ bɛ yɔleɛ te ɔ.

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.