Anyandera 18:19 - AHYERƐLƐ KRONGRON

¹⁹ Aliɛmaa bɔ ayɛ ye tɛɛ ne, ɔyɛ se kyɛ ɔne wɔ bɛkɔyɛ ko, tra kyɛ ekoli kuro bɔ bato ye nwo fasue so ngonim ɔ, na bɛ ngondii te kyɛ mmuralɛ bɔ ɔbrambram sua anoa asi ɔ.

Anyandera 18:19 Iomraidhean Croise

Gyenesise 37:11

Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

2 Samuel 13:22

Nakoso Absalom anga edwirɛ biala wangyire Amnɔn, kyɛ edwirɛ paa oo, anaa tɛɛ oo. Absalom pɔle Amnɔn, ofikyɛ né wato oliɛma Tamar mmɔnaa.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

2 Aberɛso Dwirɛ 13:17

Abiya ne ye koɛhonɛfoɛ nemɔ behuhuni bɛ pasaa, na Yisraelfoɛ bɔ bɛse koɛ ko paa ne, bɛ nu apee ɛyaa nnu totɔle.

Anyandera 16:32

Sɛ w’ahone nhu ndɛ a, ɔte paa tra kyɛ ɛte katakyie ɔ, yeɛ sɛ enya ɛyaafɛlɛ nu anwohyɛsoɛ a, ɔte paa tra kyɛ ɛkɔho kɔfa kuro ɔ.

Anyandera 18:18

Serewagualɛ ma aporowaa so pɛ, na obua tumifoɛ mɔ b’afia ndɛen.

Anyandera 18:20

Sona noa dwirɛ ma ye ko yi, ye noa dwirɛ ma ye nwo tɔ ye.

Anyandera 6:19

sona bɔ odi adanzewia ɔ, yeɛ sona bɔ ɔkekã aliɛmaa mɔ bɛ ti bobɔ nu ɔ.

Asomafoɛ 15:39

Na ɛhe nwo aporowaasulɛ yɛle kyengye paa mane bɛ munyɔ b’afia tetele: Banaba fale Yohane Marko bokale ye nwo so, na ɔne ye fale ɛlɛen hɔle Kipro,

1 Samuel 17:28

Dawide aliɛma panyi Eliabo tele kyɛ ɔ́ka edwirɛ kyire koɛhonɛfoɛ nemɔ nen, ɔfɛle Dawide so yaa, na ɔhane kyɛ, “W’amaneɛ wɔ wa? Mmoaen kãa bie ne, nwa yeɛ ɛfale bɛ yakyili ye wɔ ɛserɛ ne aso ɔ? Mese kyɛbɔ esi te dwɛɛ ɔne adwene tɛɛ bɔ ɔwɔ wɔ ti anu ɔ. Koɛ ne ala yeɛ ɛwale kyɛ ɛbaanea ɔ!”