Anyandera 18:14 - AHYERƐLƐ KRONGRON

¹⁴ Sona nde apɔ a, ye sunzum maa ogyina anwonyerɛ ne noa, nakoso sunzum bɔ ye wora abɔ de, nwa yeɛ ɔkɔhora kogyina sɔ tebea ne noa ɔ?

Anyandera 18:14 Iomraidhean Croise

YOB NWOMAA NE 6:4

Ofikyɛ Ɛdangama Nyameɛ ato ye agyaen mɔ wawowɔ me, me sunzum ɔno bɛ noa borɔ ne, na Nyameɛ ɛyaafɛlɛ ne ɔko tia me.

Edwein 109:22

Ofikyɛ nde ehianiɛ, na meyɛ anwumvo, na me kra aboto wɔ me nu.

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Edwein 55:3

ɔnate me pɔfoɛ mɔ bɛ dede ne ati, ɔne bɔnefoɛ mɔ bɛ ndaneanyeɛ ne ati. Ofikyɛ bɛmaa menwu amaneɛ, na bele ɛyaa bɛpɔ me.

Edwein 55:5

Esuronyi ne ahunundetelɛ atɔ me so, na ɛserɛ akyekye me.

Ɛksadɔso 6:9

Mose hane sɔ dwirɛ ne hyirele Yisraelfoɛ nemɔ, nakoso ɔnate b’aba nu bɔ né wabu, ɔne ngoaasolɛ serɛserɛ bɔ né bɛwɔ nu ne ati, bandɛ ye so.

Anyandera 15:13

Enya anigye wɔ wɔ nu a, ɔma wɔ nyunu yɛ ɛsereserelɛ, nakoso aworabɔlɛ ma sona sunzum nwo to.

Anyandera 17:22

Sona nye gye a, ɔte ayire paa, nakoso aworabɔlɛ de, ɔkweekwee mmowue nu.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 2:7

Yiti ohia kyɛ ɛmɔfa ye nwo bɛkyɛ ye ná ɛmɔkyekye ye wora, amaa aworabɔlɛ ne ammu ye kɔme anu.

Yakobo 1:2

Nniɛma mɔ, sɛ nzɔhwɛ ahoroɔ toto ɛmɔ a, ɛ́mɔbu ye kyɛ ɔte anigye nikye;

1 Petro 1:6

Na ɛhe nu yeɛ ɛmɔdi ahurusi paa ɔ, ɔwɔ nu kyɛ kekesaala ye de ɔsɛ kyɛ ɛmɔ wora bɔ kãa, ɔnate nzɔhwɛ ahoroɔ ne ati,