Anyandera 18:12 - AHYERƐLƐ KRONGRON

¹² Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Anyandera 18:12 Iomraidhean Croise

1 Ahemvo 3:7

O, AWURADE me Nyameɛ, ɔwɔ nu kyɛ nde akwadaa kaaba de, nakoso ama w’akoaa mali ɛhene masi me baba Dawide gya nu. Kekesaala ye, mennwu me bɛen ne me famaa.

Anyandera 11:2

Anwomasoɛ ne animguaseɛ yeɛ bɛnate ɔ, nakoso anwobrɛaseɛfoɛ de, benwu nworɛ.

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 29:23

Sona ye anwomasoɛ brɛ ye ase, nakoso bɔ ɔte sunzum nu awiɛmvoɛ ne de, okonya animnyam.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 28:9

Aso ɛkɔhɔ so kɔhã kyɛ, ‘Nde Nyameɛ,’ wɔ bɛ bɔ beku wɔ ne anyunu? Ɛte sona, na mmom ɛtte Nyameɛ wɔ mmenia bɔ beku wɔ nemɔ bɛ sa nu.

Hesekiel 29:9

Misraim aseɛ ne kɔkakyi kurofoen ne aseɛ pralaa, na bekonwu kyɛ me ole AWURADE. “Ɔnate kyɛ ɔnwa, ‘Asue Naele te me bɔbɔ me deɛ, na me bɔbɔ yeɛ nyɔle ɔ.’

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Daniel 9:23

Ɛhyɛle wɔ sufrɛ ne abo nen, mmuayɛɛ bie fili nu wale, na mawa kyɛ mebaahã mekyire wɔ, ofikyɛ Nyameɛ kuro wɔ dwirɛ paa; yiti te edwirɛ ne abo, ná dwene nyekyire ne anwo.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.