Anyandera 18:10 - AHYERƐLƐ KRONGRON

¹⁰ AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Anyandera 18:10 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 32:11

Mesrɛ wɔ, de me fi nniɛma Yisɔ sa nu, ofikyɛ me suro ye; anyɔ a, né waahũhũ yɛ mukoraa: niɛ mɔ ne mmaa mɔ.

2 Samuel 22:2

Ɔtole ye kyɛ, “AWURADE te me nyɔbotaen, m’anwoserɛ afealeɛ ne me defoɛ,

2 Samuel 22:3

me Nyameɛ, me nyɔbotaen bɔ mebɔ me nwo waen wɔ nu ɔ, m’akokyɛm ne me ngoalelɛ anwoserɛ, m’anwoserɛ afealeɛ ne me nwo adwaa, me defoɛ bɔ ode me fi basabasayɔlɛ nu ɔ.

2 Samuel 22:51

Odi ngonim piri paa ma ye hene ne, ɔye ɔdɔ onni ngasi ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.”

Edwein 144:2

Me nyɔbotaen ne m’afealeɛ, m’anwoserɛ afealeɛ ne me defoɛ, m’akokyɛm bɔ mebɔ me nwo adwaa wɔ nu ɔ, bɔ ɔfa maen maen mɔ wura me bo ɔ.

Edwein 18:2

AWURADE te me nyɔbotaen, m’anwoserɛ afealeɛ ne me defoɛ, me Nyameɛ, me nyɔbotaen bɔ mebɔ me nwo waen wɔ wɔ nu ɔ, me buralɛ ataadeɛ ne me ngoalelɛ anwoserɛ ɔne m’anwoserɛ afealeɛ.

Edwein 20:2

Ɔ́soma mmokalɛ ofi ye nekaa krongron berɛ ɔɔboka wɔ, ná ófi Sion bokaa so oogyina wɔ si.

Edwein 27:1

AWURADE te me kanea ne me ngoalelɛ, nwa yeɛ mesuro ye ɔ? AWURADE te me ngoa ye anwoserɛ afealeɛ, nwa nwo suronyi yeɛ ɔkɔtɔ me so ɔ?

Edwein 91:14

Ɔnate kyɛ wafa ye nwo wabata me ne ati, ngɔpepɛ ngole ye. Ɔnate kyɛ ɔse me dumaa ne ati, ngɔpagya ye.

Edwein 91:2

okose AWURADE kyɛ, “Ɛte m’afealeɛ ne m’anwoserɛ afealeɛ, me Nyameɛ bɔ me wora wura ye nu ɔ.”

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Anyandera 14:26

Bɛ bɔ besuro AWURADE ne, bɛ wora wura ye nu pindinn, na ɔbɔ bɛ mma nwo waen.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Yesaya 26:4

Ɛ́mɔfa ɛmɔ wora béwura AWURADE nu afebɔɔ, ofikyɛ AWURADE Nyameɛ ɔte afebɔɔ nyɔbotaen.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Habakuku 3:19

AWURADE Nyameɛ te m’anwoserɛ. Ɔma me gya tindim kyɛ kɛtɛbɔɔ deɛ, na ɔmaa menate m’asɔneyɛɛ nemɔ aso. Mefa mema edweinhyirelɛniɛ ne, kyɛ ɔ́fa me sangoo ne ɔ́to.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

1 Samuel 17:45

Nakoso Dawide buale Filistiniɛ ne kyɛ, “Wɔ de, ngrandɛ ne pealɛɛ ne buralɛ tendenn tworɔntworɔn yeɛ ɛ́fa ba me so ɔ; nakoso me de, Asafo AWURADE, Yisrael koɛhonɛfoɛ Nyameɛ bɔ apɛ ye poa ne, ye dumaa nu yeɛ méba wɔ so ɔ.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.