Anyandera 17:5 - AHYERƐLƐ KRONGRON

⁵ Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Anyandera 17:5 Iomraidhean Croise

YOB NWOMAA NE 31:29

“Sɛ me nye agye kyɛ me pɔfoɛ onwu amaneɛ, anaa wayɛ me fɛ kyɛ musue ato ye a,

Edwein 69:9

Ofikyɛ w’awuro nwo ɔdɔ bɔ nne ye ne, ɔte see bɔ ogye wɔ me nu ɔ, bɛ bɔ bɛbɔ wɔ alapaa ne, b’alapaa ne waagua me so.

Anyandera 14:21

Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Yeremia 17:16

Nakoso me de, neafoɛ adwuma bɔ ɔkɔmaa ngoli wɔ si ne, mannwati mamvi ye nwo, yeɛ musue kyẽa ne, nnneane ye ate; wɔ bɔbɔ ɛse. Bɔ ofi me noa wale ne, ɔla wɔ nyunu.

Hesekiel 25:3

Se Amonfoɛ kyɛ, Ɛ́mɔtie AWURADE Nyameɛ noa dwirɛ: AWURADE Nyameɛ nwa nyoo: Ɛhane kyɛ, ‘Ehee, ɔyɛ me fɛ!’ Ɛhane sɔ dwirɛ ne tiale me nekaa krongron ne wɔ mmerɛ bɔ beguale ye nwo fiɛ ne, ɛhã tiale Yisrael aseɛ wɔ mmerɛ bɔ bɛmaa ɔkakyili kurofoen ne, yeɛ ɛhã tiale Yuda awuro ama wɔ mmerɛ bɔ bɛhyele bɛ nnure bɛhɔle ne;

Obadia 1:10

Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Obadia 1:16

Ofikyɛ kyɛbɔ ɛmɔano nzaa wɔ me bokaa krongron ne aso ne, sɔ ala yeɛ Amaenmaensofoɛ amukoraa bɛkɔhɔ so bɛkɔno ɔ; amba, bɛkɔno, bɛkɔbo sram, na bɛ boso konua bɔkɔɔ.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?