Anyandera 17:3 - AHYERƐLƐ KRONGRON

³ Bɛfa bokyea bɛpɔ ɛdwetɛ nwo, yeɛ bɛfa afaa bɛpɔ sikaa kɔkorɛ nwo, nakoso AWURADE yeɛ oso adwene nea ɔ.

Anyandera 17:3 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

YOB NWOMAA NE 28:1

“Amba, nekaa bɔ betu ɛdwetɛ ɔ wɔ berɛ, yeɛ nekaa bɔ benwunzi sikaa kɔkorɛ ɔ koso wɔ berɛ.

Edwein 139:23

Ao Nyameɛ, neanea me nu, ná nwu m’ahone nu dwirɛ; so me nea, ná nwu me ti anu adwene.

Edwein 26:2

Neanea me nu ná so me nea, pɛnzɛpɛnzɛ m’ahone nu ne me ti anu.

Edwein 66:10

Ofikyɛ wɔ, ao Nyameɛ, aso yɛ anea; aso yɛ anea kyɛbɔ bɛpɔ ɛdwetɛ nwo wɔ see nu ɔ.

Anyandera 15:11

Sɛ ɛborɔ ne Abadɔn po bɛla berɛ too wɔ AWURADE nyunu a, ɔkɔyɛ sɛɛ bɔ kuro sona ti anu adwene kɔfea ye ɔ!

Anyandera 16:2

Kuro sona bra amukoraa tengyɛ wɔ ye bɔbɔ ye nye so, nakoso AWURADE yeɛ ɔkari sona ti anu dwirɛ nea ɔ.

Anyandera 17:2

Kanganiɛ bɔ ɔse nworɛ ne, okoli baa bɔ ɔbɔ nyanzoen bra so tumi, na okonya aliɛmaa nemɔ b’agyapadeɛ ne bie.

Anyandera 21:2

Bɔ sona yɔ biala, ɔtengyɛ wɔ ye nye so, nakoso AWURADE yeɛ ɔkari ye ti anu dwirɛ nea ɔ.

Anyandera 27:21

Kyɛbɔ bɛfa bokyea bɛpɔ ɛdwetɛ nwo, ná bɛfa afaa bɛpɔ sikaa kɔkorɛ nwo ne, sɔ ala yeɛ bɛbɔ sona aba so a, benwu kyɛbɔ osi te ɔ.

Yesaya 48:10

Tie, mapɔ wɔ nwo, nakoso nna kyɛbɔ bɛpɔ ɛdwetɛ nwo ne ɔ, maso wɔ manea wɔ amaneɛ foonoo nu.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Hesekiel 22:18

“Sona awa, Yisrael awuro ama bayɛ me nye so ewura. Bɛ mukoraa bakakyi ɛdwetɛ, kɔɔbere, kyɛnzee, buralɛ ne sum bɔ bahuro bɛ wɔ afaa nu toonn maa bakakyi buralɛ ewura ɔ.

Daniel 11:35

Bɛ bɔ bɛte badwemma ne, nu biemɔ kɔtotɔ, maa ɔnate so bɛkɔfa bekosale bɛ nwo, bɛkɔfa bɛkɔte bɛ nwo, bɛkɔfa bɛkɔma bɛ nwo kɔyɛ fitaa koodwu ayieleɛ mmerɛ ne; ofikyɛ sɔ mmerɛ ne kɔwa kyɛbɔ bahyehyɛ bato berɛ ne ala.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.