Anyandera 17:27 - AHYERƐLƐ KRONGRON

²⁷ Sona bɔ ole nimdeɛ ne, ondwudwo pee, yeɛ sona bɔ ole aboterɛ ne, ɔte badwemma.

Anyandera 17:27 Iomraidhean Croise

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 14:29

Sona bɔ ye ahone nhu ndɛ ne, ole ndeaseɛ paa, nakoso bɔ ye ahone pingye ye ne de, odi ngwaseasɛm.

Anyandera 15:28

Teneneeniɛ dwene dwirɛ nwo koraka né wama mmuayɛɛ, nakoso bɔnefoɛ de, ye noa kekã musue dwirɛ.

Anyandera 16:32

Sɛ w’ahone nhu ndɛ a, ɔte paa tra kyɛ ɛte katakyie ɔ, yeɛ sɛ enya ɛyaafɛlɛ nu anwohyɛsoɛ a, ɔte paa tra kyɛ ɛkɔho kɔfa kuro ɔ.

Nworɛ Dwirɛhanɛniɛ 9:17

Nworɛfoɛ bɛ noa dwirɛ bɔ mmenia tie ye konn ne, bede bɛto nu bɛtra ngwaseafoɛ hene ye ndeateamuɛ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 3:18

Na bɛ bɔ bɛpena asomdwee si atee, bɔ bedua ye asomdwee nu ne, bɛte tenenee mmaa.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.