Anyandera 17:17 - AHYERƐLƐ KRONGRON

¹⁷ Adamvoa kuro wɔ dwirɛ mmerɛ biala, yeɛ w’amaneɛnwunɛ nu ti yeɛ bɛwole eliɛma ɔ.

Anyandera 17:17 Iomraidhean Croise

2 Samuel 1:26

O, nniɛma Yonatan, wɔ ti me wora abɔ; né mekuro wɔ dwirɛ paa, kyɛbɔ esi hurole me dwirɛ ne ɔyɛ nwanwa, na ɔtra ehurolɛ bɔ ofi mmrasua berɛ ɔ.

2 Samuel 15:21

Nakoso Yitae buale Nana Dawide kyɛ, “Kyɛ AWURADE te ase ye, ɔne kyɛ Nana, me mene, wɔ koso ɛte ase ye, nekaa biala bɔ Nana, me mene, ɛkɔhɔ ne, ewue nu oo, ngoa nu oo, berɛ yeɛ wɔ somvoɛ me koso ngɔhɔ ɔ.”

Ɛseta 4:14

Ofikyɛ sɛ ɛkã wɔ noa to nu wɔ mmerɛ bɔ ɔte sɔaa nu a, mmokalɛ ne ngoalelɛ kofi neka foforɛ kɔwa kɔma Yudafoɛ, nakoso ɛne ɛse abusuafoɛ de, ɛmɔ boso konua. Nwa yeɛ ɔse ɔ? Ebiaa mmerɛ bɔ ɔte sɔaa ati yeɛ anya ɛhemmaa dibea ye ɔ.”

Anyandera 16:28

Sona bɔ adwene paa nne ye ti anu ne, ɔma ngondii tɔ mmenia b’afia, na nzekurebɔlɛniɛ tete abiɛngoɛ mɔ b’afia.

Anyandera 18:24

Abiɛngoɛ biemɔ fa sona kɔ sɛkyelɛ nu, nakoso abiɛngoɛ bie bata wɔ tra aliɛmaa.

Anyandera 19:13

Baa kwaseaa ma ye baba nwu amaneɛ, yeɛ braa bɔ okuro ngondii ne, ɔte kyɛ nzue bɔ mmerɛ biala ɔpepe ɔ.

Anyandera 19:7

Sɛ ehianiɛ oliɛma mɔ amukoraa po bɛpɔ ye a, ɔkɔyɛ sɛɛ bɔ ye damvo mɔ bɛngɔhwe bɛ nwo ngofi ye nwo ɔ! Ɔpena bɛ ɔne bɛ dwudwo a, onnya bɛ.

Hebrifoɛ 2:11

Na bɔ ɔte mmenia nwo fi bɛ bɔne nwo ne, ɔne mmenia bɔ ɔte bɛ nwo ne amukoraa bɛ Baba te ko; na ɔnate sɔ ne ati, ɔnyɛ ye nya kyɛ ɔkɔfrɛ bɛ oliɛma mɔ ɔ.

Rutu 1:16

Nakoso Rutu buale kyɛ, “Nnɛhyɛ me kyɛ nyakyi wɔ nu ngɔ, anaakyɛ nyakyi wɔ si lilɛ! Nekaa bɔ ɛkɔhɔ ne, berɛ yeɛ ngɔhɔ ɔ; yeɛ nekaa bɔ ɛkɔtena ne, berɛ yeɛ ngɔtena ɔ; wɔ maen kɔyɛ me maen, yeɛ wɔ Nyameɛ kɔyɛ me Nyameɛ.

1 Samuel 18:3

Afei Yonatan ne Dawide yɛle apam, ofikyɛ né okuro Dawide dwirɛ kyɛ ye bɔbɔ ye nwo.

1 Samuel 19:2

Na Yonatan tiale Dawide gya so kyɛ, “Me baba Sɔɔlo pena wɔ ku wɔ, yiti nea wɔ nwo yé ɛhema ngyerɛmɔ. Pena nekaa bie kɔfea konn.

1 Samuel 19:3

Ngoogyina me baba anwo berɛ wɔ eburo dɔ, nekaa bɔ ɛkɔɔfea ne, na ngɔhã edwirɛ bɔ ɔfa wɔ nwo ngohyire me baba. Na sɛ mete edwirɛ ne anwo bie a, ngɔma wɔ so kɔte.”

1 Samuel 20:17

Yonatan mane Dawide tale ndaen bieku kyɛ okuro ye dwirɛ; ofikyɛ né Yonatan kuro Dawide dwirɛ kyɛ ye bɔbɔ ye nwo.

1 Samuel 23:16

Yeɛ Sɔɔlo awa Yonatan sili nu hɔle Dawide berɛ wɔ Horese, na ɔkyekyele Dawide wora kyɛ Nyameɛ kɔbɔ ye nwo waen.