Anyandera 16:8 - AHYERƐLƐ KRONGRON

⁸ Ɛpe atee paa so enya nikyee kaaba bie a, ɔte paa tra kyɛ ekoli aminɛ ekonya wɔ nwo tam ɔ.

Anyandera 16:8 Iomraidhean Croise

Edwein 37:16

Nikyee kãa biala bɔ teneneeniɛ ole ye ne, odi mu tra bɔnefoɛ pee b’anwonya.

Anyandera 15:16

Kyɛ ekosuro AWURADE ná ekonya nikyee kaaba ne, ɔte paa tra anwonyadeɛ pee bɔ amaneɛ boka so ɔ.

Anyandera 15:17

Sɛ edi mburuhu wɔ ɔdɔ nu a, ɔte paa tra kyɛ ekoli nandwie nyii bɔ walɔ ɔ wɔ ɛpɔen nu ɔ.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Anyandera 16:9

Sona fa ye adwene susu bɔ ɔkɔyɔ ɔ nwo, nakoso AWURADE yeɛ okyire ye atee ɔ.

Anyandera 17:1

Edi nzammoa bɔ wawo ná wɔ so anu tɔ wɔ a, ɔte paa tra awuro bɔ afɔleɛbɔlɛ ngome, nakoso nu te ngondii ɔ.

Anyandera 28:6

Ehianiɛ bɔ ye bra te sannwuu ne, ɔte paa tra sikaniɛ bɔ ye suban ɔtte mayee ɔ.

Nworɛ Dwirɛhanɛniɛ 4:6

Wɔ sa bum ko bɔ asomdwee wɔ nu ne, ɔte paa tra wɔ sa bum nyɔ bɔ ɛfɛɛ ne dadwene boka so ɔ.

Yeremia 17:11

Ebiala bɔ ɔpena anwonya bɔ wamva atee paa so ne, ɔte kyɛ akɔkɔhwereɛ bɔ obutu ngyiremvua bɔ nna ye yeɛ ɔtole ɔ so ɔ; onyi ɔkɔ ye nyunu kãa a, okofi ye sa, na ye ayieleɛ nu ɔkɔyɛ kwaseaa.

Mika 6:10

Nzɛmmɔne nu anwonyadeɛ, yeɛ tonyi bɔ bawura nu bɔ ɔte akyiwadeɛ ɔ, bɛtɛ wɔ bɔnefoɛ awuro anaa?