Anyandera 16:7 - AHYERƐLƐ KRONGRON

⁷ Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Anyandera 16:7 Iomraidhean Croise

Gyenesise 27:41

Na ɔnate saleɛ bɔ ye baba fa yirale Yakob ne ati, Yisɔ pɔle Yakob. Na Yisɔ susuli ye nwo kyɛ, “Me baba ye wue ne ye sɛen ngyẽa apingye; na ɛhe asi ne, ngohũ nniɛma Yakob.”

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

Gyenesise 33:4

Nakoso Yisɔ le amirika ooyiale ye, ɔtɔle ye nu, na ɔfale ye ti tole ye kɔme anwo fele ye noa. Na bɛ munyɔ besuni.

2 Aberɛso Dwirɛ 17:10

Maen maen bɔ bapɛ Yuda nwo bayia ne, AWURADE nwo suronyi tɔle b’ahennie amukoraa so, na bamva koɛ bandoa Yehosafate ko.

2 Aberɛso Dwirɛ 20:30

Na asomdwee wale Yehosafate ahennie nu, ofikyɛ ye Nyameɛ ma onyane asomdwee pɛle ye nwo amukoraa bra yiale.

Ɛsra 8:36

Asa koso, Nana Atasɛsɛse mmeraa bɔ ɔhyerɛle ye krataa nu ne, bɛye bɛmane ye mbɔtam mbanyi mɔ ne amrado mɔ bɔ begyi ye gya nu wɔ asue Yufreti si dɔ mbɔtam ne. Na bɛ koso bɛfale bɛ mmokalɛ bɛtale maen ne ne Nyameɛ awuro ne si.

Edwein 69:31

AWURADE kohuro ɛhe kɔtra nandwie, anaa nandwie nyii bɔ ole mmɛen bɔ ye gya nu apakye ɔ.

Ɛksadɔso 3:21

Ngɔma Misraimfoɛ kɔlo mmenia hemɔ, amaa sɛ ɛ́mɔfi berɛ a, ɛmɔangɔ ye nzanza.

Anyandera 16:8

Ɛpe atee paa so enya nikyee kaaba bie a, ɔte paa tra kyɛ ekoli aminɛ ekonya wɔ nwo tam ɔ.

Anyandera 3:17

Ye atee te anika atee, na ye saa amukoraa te asomdwee.

Yeremia 15:11

Yeɛ AWURADE sele kyɛ: Amba, ngɔpepɛ ngole wɔ maa okoyie wɔ yé. Amba, ngɔma pɔfoɛ nemɔ bɛkɔkoto bɛkɔsrɛ wɔ wɔ amaneɛnwunɛ mmerɛ nu ne anwokyere mmerɛ nu.

Yeremia 39:12

“Fa ye, te wɔ nye nea ye, nnɛyɔ ye tɛɛ biala, na bɔ ɔkɔhã kohyire wɔ biala, yɔ ma ye.”

Yeremia 42:12

Na ngonwu ɛmɔ anwumvoin, amaa ɔnate so ye koso wanwu ɛmɔ anwumvoin, na ɔkɔmaa ɛmɔkosa bɛkɔwa ɛmɔ bɔbɔ ɛmɔ aseɛ so.

Daniel 1:9

Na Nyameɛ mane sayɛɛ panyi ne lole Daniel onwuni ye anwumvoin.

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Kolosefoɛ 3:20

Ngwadaa, ɛ́mɔyɛ sotie bɛ́ma ɛmɔ awofoɛ mɔ wɔ nikyee biala nu, na ɛhe yeɛ ɔsɔ Awurade nye ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

1 Petro 3:13

Na sɛ ɛmɔfa besie ɛmɔ nye so kyɛ ɛmɔyɔ bɔ ɔte paa a, nwa yeɛ ɔkɔha ɛmɔ ɔ?

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.