Anyandera 16:4 - AHYERƐLƐ KRONGRON

⁴ AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Anyandera 16:4 Iomraidhean Croise

Gyenesise 1:31

Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.

YOB NWOMAA NE 15:23

Okyinikyini pena aleɛ, na obisa kyɛ, ‘Nisua yeɛ aleɛ wɔ ɔ?’ Na ɔse kyɛ ɔngɔhyɛ né awosii kyẽa ato ye.

YOB NWOMAA NE 21:30

kyɛ kyẽa bɔ asane kosi ne, amumuyɛɛniɛ onya ye ti didi nu ɔ, kyɛ ɛyaafɛlɛ kyẽa ne, bɛpepɛ bede ye ɔ?

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Nworɛ Dwirɛhanɛniɛ 3:11

Wayɔ nikyee biala nyemenenyemene wɔ ye mmerɛ nu. Wafa mmerɛ bɔ olle ayieleɛ nwo adwene wawura kuro sona adwene nu, nakoso sona ngora nnwu bɔ Nyameɛ ayɔ ɔ, ofi ye bohyɛlɛ bɔ ɔkwaadwu ayieleɛ ɔ.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

Romanfoɛ 9:22

Sɔ ala yeɛ Nyameɛ ayɔ ɔ. Ɔyɛle kyɛ ahaa ɔkɔla ye yaafɛlɛ piri ne ye tumi ali. Nakoso onyane aboterɛ mane bɛ bɔ ɔfɛle bɛ nwo yaa bɔ b’ayieleɛ ole ewue ne.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”