Anyandera 16:24 - AHYERƐLƐ KRONGRON

²⁴ Edwirɛ bɔ ɔyɛ fɛ ne, ɔte kyɛ woɛ bɔ ɔwɔ nzasameɛ nu ɔ, ɔte menemene ma sona kra, na ɔma aporɛnuserɛ.

Anyandera 16:24 Iomraidhean Croise

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 19:10

Nhyehyɛleɛ ne di mu tra esikaa kɔkorɛ, ɔtra esikaa kɔkorɛ paa po. Ɔte menemene tra woɛ, na ɔtra woɛ bɔ ofi nzasameɛ nu ɔpepe ɔ.

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Anyandera 17:22

Sona nye gye a, ɔte ayire paa, nakoso aworabɔlɛ de, ɔkweekwee mmowue nu.

Anyandera 23:16

Sɛ wɔ noa kã edwirɛ bɔ ɔtengyɛ a, me kra nye kɔgye.

Anyandera 27:9

Kyɛbɔ sakyeɛfona ne ayirefona ma sona nye gye ne, sɔ ala yeɛ adamvoa nu fɛɛ, bɔ ɔte foɛtulɛ paa bɔ ɔfa ma wɔ te ɔ.

Anyandera 3:8

Ɔkɔyɛ aporɛnuserɛ kɔma wɔ nwonaen, ɔne wɔ mmowue nu anwoserɛ.

Anyandera 4:22

Ofikyɛ ebiala bɔ onwu bɛ ne, bɛte ngoa ma ye, na ɔma ye aporɛ nu amukoraa sande ye.

Nworɛ Dwirɛhanɛniɛ 12:10

Nworɛ Dwirɛhanɛniɛ ne, ɔbɔle mmɔden kyɛ ɔkɔpena edwirɛ mɔ bɔ bɛtɔ asoɛ nu ɔ, na edwirɛ bɔ wahyerɛ wato berɛ ne, ɔte nahorɛ ne turoloo.

Edwein Nu Dwein 4:11

M’atɔmvorɛ braa, wɔ noa pepe woɛ, woɛ ne nyɔfonesue wɔ wɔ temverema bo, wɔ tena nu fona te kyɛ Lebanon fona.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Deuteronomi 32:2

Me ngyerɛkyerɛ ne ɔ́tɔ kyɛ esue, me dwudwolɛ ne ógua kyɛ bosue, ɔ́yɛ kyɛ nyenyenzue bɔ ogua ndire so ɔ, ɔne nyaanyaa so nyasue.

Nyekyire 10:10

Na nnele nwomaa kaaba ne mvili abɔfo ne sa nu nnili; na ɔyɛle me noa nu menemene kyɛ woɛ, nakoso nni nyiele nen, ɔyɛle me kunu dɔ weewee.