Anyandera 16:21 - AHYERƐLƐ KRONGRON

²¹ Sona bɔ ɔyɔ ye nningyein nworɛ nu ne, bɛfrɛ ye badwemma, yeɛ sɛ sona noa dwirɛ yɛ fɛ a, ɔma mmenia nya nikyeesualɛ nu ngɔsoɛ.

Anyandera 16:21 Iomraidhean Croise

1 Ahemvo 3:12

tie, me koso ngɔyɔ kyɛbɔ abisa ne ala. Mama wɔ nworɛ ne adwene bɔ ɛkɔfa konwu nikyee bɔ ɔte paa ɔ. Wɔ sɛso ɔwwale le, na wɔ si koso bengonya wɔ sɛso.

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Anyandera 10:13

Sona bɔ ye adwene nu pi ne, nworɛ wɔ ye noa dwirɛ nu, nakoso sona bɔ adwene nne ye ti anu de, ye si fata mbire.

Anyandera 10:23

Amumuyɛɛyɔlɛ te kyɛ angorɛ wɔ kwaseaa nye so, nakoso sona bɔ ye adwene nu pi ne de, ye nye gye nworɛ nwo.

Anyandera 10:8

Sona bɔ ɔse nworɛ ne, otie mmeraa dwirɛ, nakoso kwaseaa de, ye dwudwolɛ mbaen mbaen ne fa ye kɔ amaneɛ nu.

Anyandera 15:7

Nworɛfoɛ noa dwirɛ ma nimdeɛ trɛ, nakoso ngwaseafoɛ b’adwene de, ɔtte sɔ.

Anyandera 16:22

Sona bɔ ole nimdeɛ ne, ɔte ngoa asue ti ma ye, na ngwaseafoɛ de, bɛ gyiminɛ yeɛ ɔtwe bɛ so ɔ.

Anyandera 23:15

Mma, sɛ nworɛ wɔ wɔ ti anu a, me koso me nye kɔgye.

Anyandera 27:9

Kyɛbɔ sakyeɛfona ne ayirefona ma sona nye gye ne, sɔ ala yeɛ adamvoa nu fɛɛ, bɔ ɔte foɛtulɛ paa bɔ ɔfa ma wɔ te ɔ.

Nworɛ Dwirɛhanɛniɛ 12:10

Nworɛ Dwirɛhanɛniɛ ne, ɔbɔle mmɔden kyɛ ɔkɔpena edwirɛ mɔ bɔ bɛtɔ asoɛ nu ɔ, na edwirɛ bɔ wahyerɛ wato berɛ ne, ɔte nahorɛ ne turoloo.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Yohane 7:46

Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!”

Romanfoɛ 16:19

Ebiala ate ɛmɔ sotie bɔ ɛmɔayɛ bama nzɛmba ne ɔ, yiti me nye gye ɛmɔ nwo, nakoso mekuro kyɛ ɛmɔnwu nworɛ bɛfa bɔ ɔte paa nwo, ná ɛmɔte ɛmɔ nwo béfi bɔ ɔte bɔne nwo.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.