Anyandera 16:2 - AHYERƐLƐ KRONGRON

² Kuro sona bra amukoraa tengyɛ wɔ ye bɔbɔ ye nye so, nakoso AWURADE yeɛ ɔkari sona ti anu dwirɛ nea ɔ.

Anyandera 16:2 Iomraidhean Croise

Edwein 36:2

Ofikyɛ ode ye nwo di alaa maa ɔnate so ɔngora nwu ye amumuyɛɛ, maa ɔnate so ɔngora ngyi ye amumuyɛɛ ne.

Anyandera 12:15

Kwaseaa dwene kyɛ ye atee bɔ ɔnate so ɔ te paa, nakoso bɔ otie foɛtulɛ ne de, ɔte nworɛniɛ.

Anyandera 16:25

Atee bie wɔ berɛ a, ɔte paa wɔ kuro sona nye so, nakoso ye ayieleɛ te ewue atee.

Anyandera 17:3

Bɛfa bokyea bɛpɔ ɛdwetɛ nwo, yeɛ bɛfa afaa bɛpɔ sikaa kɔkorɛ nwo, nakoso AWURADE yeɛ oso adwene nea ɔ.

Anyandera 21:2

Bɔ sona yɔ biala, ɔtengyɛ wɔ ye nye so, nakoso AWURADE yeɛ ɔkari ye ti anu dwirɛ nea ɔ.

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 30:12

Mmenia biemɔ wɔ berɛ a, bebu bɛ nwo kyɛ bɛ nwo te, nakoso bɛ bɔne mata bɛ, bɔ yeɛ bɛ nwo nde ɔ.

Anyandera 5:21

Ofikyɛ bɔ sona yɔ ne, ɔla AWURADE nyunu, na ɔneanea ye atee bɔ ɔnate so amukoraa nu.

Yesaya 26:7

Teneneeniɛ atee tengyɛ, ɛma teneneeniɛ atimbire da so yɔɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Daniel 5:27

TEKEL, wahari wɔ wɔ tonyi so, na wanwu kyɛ ɛndwe;

Numeri 22:32

Yeɛ AWURADE abɔfo ne bisale ye kyɛ, “Nzu ati yeɛ abɔ wɔ kaka ne pɛen nza ye? Mawa kyɛ mebaasi wɔ ate, ofikyɛ nikyee bɔ ɛyɔ ne, ɔndengyɛ wɔ me nyunu.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Nyekyire 2:18

“Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe:

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Maenbulɛfoɛ 17:6

Sɔ mmerɛ ne, né ɛhene biala nne Yisrael, yiti né ebiala yɔ bɔ okuro ɔ.

Maenbulɛfoɛ 7:6

Bɛ bɔ bele bɛ temverema bɛnone nzue ne bie ne, bɛ somaa te ɛyaa nza. Nakoso koɛhonɛfoɛ ngaa nemɔ de, bebuli ndwerɛ yeɛ bɛnone nzue ne bie ɔ.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”

1 Samuel 2:3

Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.