Anyandera 16:16 - AHYERƐLƐ KRONGRON

¹⁶ Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Anyandera 16:16 Iomraidhean Croise

Edwein 119:127

Amba, me nye gye wɔ mmeraa dwirɛ ne anwo tra esikaa kɔkorɛ, tra esikaa kɔkorɛ paa.

Anyandera 2:4

sɛ ɛpena ye si atee kyɛbɔ ɛpena ɛdwetɛ, ná ɛpena ye kyɛ agyapadeɛ bɔ bafa bafea ɔ hɔ a,

Anyandera 3:13

Sona bɔ wapena nworɛ si atee wanwu ye ne, yeɛ sona bɔ onya ndeaseɛ ne, saleɛ te ye deɛ.

Anyandera 3:14

Ofikyɛ bɔ enya ye fi nu ne, ɔte paa tra ɛdwetɛ, yeɛ so mvasoɛ ne ɔte paa tra sikaa kɔkorɛ.

Anyandera 4:5

Sua nworɛ, sua nworɛ bɔ nu pi ɔ. Nnɛma wɔ wora fi, yeɛ nnɛyakyi me noa dwirɛ so lilɛ.

Anyandera 4:7

Nworɛ te nikye titire, yiti sua nworɛ, w’anwonya mukoraa si ne, pena ndeaseɛ.

Anyandera 8:19

Me mmaa bɔ mesu ne, ɔte paa tra sikaa kɔkorɛ ne sikaa kɔkorɛ paa po, na me fieso aleɛ te paa tra ɛdwetɛ paa.

Nworɛ Dwirɛhanɛniɛ 7:12

Ofikyɛ nworɛ ɔbɔ wɔ nwo waen kyɛbɔ sikaa ɔbɔ wɔ nwo waen ne, na nimdeɛ nwo mvasoɛ ole kyɛ, nworɛniɛ ye nworɛ maa onya ngoa.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Luka 12:21

Na sɔ ala yeɛ sona bɔ ɔboaboa agyapadeɛ noa ma ye nwo, nakoso olle anwonyadeɛ huu wɔ Nyameɛ nu ne ɔte ɔ.”