Anyandera 16:14 - AHYERƐLƐ KRONGRON

¹⁴ Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Anyandera 16:14 Iomraidhean Croise

Gyenesise 40:2

Na Faro fɛle mbanyi nyɔ hemɔ so yaa: bɛ ole nzaasulɛfoɛ so panyi ɔne paanootonɛfoɛ so panyi.

Ɛseta 7:7

Yeɛ Nana Ahasuro le ɛyaa dwɔsole fili ɛpoentolɛ ne abo, na ɔhɔle ahemvie turo ne anu, nakoso Haman de, ɔhale berɛ srɛle Nana hemmaa Ɛseta kyɛ onwu ye anwumvoin ole ye ngoa, ofikyɛ onwuni kyɛ Nana Ahasuro wayɛ ye adwene kyɛ ɔkɔma edwirɛ piri paa kɔto ye.

Anyandera 15:18

Sona bɔ ye ahone pingye ye ne, ye nwo te ngondii, nakoso bɔ ye ahone nhu ndɛ ne de, ɔma mmenia ahone tɔ nzue nu.

Anyandera 16:13

Noa bɔ ɔkã nahorɛ ne, ahemvo mɔ nye gye ye nwo, yeɛ bekuro sona bɔ ye noa dwirɛ te turoloo ɔ dwirɛ.

Anyandera 16:15

Sɛ ɛhene nyunu yɛ sereserelɛ a, ɔte ngoa, yeɛ sɛ ɔdo wɔ a, ɔte kyɛ munungum bɔ ɔtɔ bamborɔ ɔ.

Anyandera 17:11

Bɔnefoɛ mbena hwee te kyɛ ɛlɔenyɛlɛ, yiti bɛkɔsoma ɛbɔfoɛ atianuserɛniɛ maa ɔkɔhɔ ye so.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Anyandera 20:2

Sɛ ɛhene fɛ yaa hahii a, ɔte kyɛ gyata bɔ opo ɔ, ebiala bɔ okohu ye ahone ne, ɔfa ye ngoa pɛ so.

Anyandera 29:26

Mmenia pee bɛpena maenbulɛniɛ ye nyunu animnyam, nakoso AWURADE berɛ yeɛ sona nya pɛpɛɛpɛyɛlɛ ɔ.

Anyandera 29:8

Ngorohoɛfoɛ bɛto kuro nu see, nakoso nworɛfoɛ de, bɛma ahone tɔ nzue nu.

Nworɛ Dwirɛhanɛniɛ 10:4

Sɛ wɔ hene fɛ wɔ so yaa a, nnɛfi ye nyunu berɛ, ofikyɛ sɛ ɛbrɛ wɔ nwo ase a, ɔmaa bɛfa wɔ bɔne mbiri mbiri bɛkyɛ wɔ.

Daniel 2:16

Yeɛ Daniel hɔle Nana berɛ ɔɔsrɛle ye kyɛ ɔma ye mmerɛ, amaa ɔnate so wahyire Nana laleɛ ne abo wahyire ye.

Marko 6:27

Na berɛ ne ala, ɛhene ne somane adumfoɛ nemɔ ko, na ɔhyɛle ye kyɛ ɔɔpɛ ye ti bra. Na ɔɔpɛle ye ti wɔ kuku nu dɔ.

Asomafoɛ 12:20

Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.