Anyandera 16:10 - AHYERƐLƐ KRONGRON

¹⁰ Ɛhene noa dwirɛ te ngɔmhyɛlɛ, na ye ndɛenbualɛ nu, ye noa nyɛ mvomsoɛ.

Anyandera 16:10 Iomraidhean Croise

Gyenesise 44:15

Yosef bisale bɛ kyɛ, “Nzikyɛ nikyee yeɛ ɛmɔayɔ ye? Anaa ɛmɔnze kyɛ sona bɔ ɔte kyɛ me de, ɔse ase ɔ?”

Gyenesise 44:5

Aso ná sɔ kulie ne yeɛ me mene no nu, na afei ɔnea nu ɔfa onwu bɔ ɔbaasi ɔ. Nikyee bɔ ɛmɔayɔ ye de, ɔtte mayee koraa.’ ”

2 Samuel 14:16

Mese kyɛ Nana kotie me, na sona bɔ ɔpena kyɛ oku me ne mma, ná ɔye yɛ fi Nyameɛ agyapadeɛ nu ne, Nana kole ye afaneɛ kofi ye sa nu.’

1 Ahemvo 3:28

Yisrael amukoraa tele ndɛen bɔ Nana Solomon buale ne, na ye nwo yɛle bɛ nwanwa, ofikyɛ benwuni kyɛ Nyameɛ nworɛ wɔ ye nu bɔ ɔfa bua ndɛen turoloo ɔ.

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Anyandera 29:4

Sɛ ɛhene fa pɛpɛɛpɛyɛlɛ bu maen a, maen ne nya ngɔsoɛ, nakoso bɔ ode fea-ase-ma de, ɔbɔ maen ne.

Hosea 10:4

Bɛkekã edwirɛ mbaen mbaen; bɛta ndaen mbaen mbaen bɛfa bɛyeyɛ apam; yiti ndɛenbualɛ fifi wɔ bɛ nu kyɛ anafranaku, bɔ ofifi kofie so wɔ fieso ɔ.

Amose 5:7

Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.