Anyandera 16:1 - AHYERƐLƐ KRONGRON

¹ Kuro sona yɛ nhyehyɛleɛ wɔ ye ti anu, nakoso temverema ye mmuayɛɛ ofi AWURADE berɛ.

Anyandera 16:1 Iomraidhean Croise

2 Samuel 7:5

“Kɔha kyire me somvoɛ Dawide kyɛ, AWURADE nwa nyoo: Wɔ yeɛ ɛbaasi sua maa metena nu anaa?

2 Aberɛso Dwirɛ 18:31

Teaseɛnam so safohene nemɔ nwuni Yehosafate pɛ, bɛhane kyɛ, “Yisrael hene ɛhe oo!” Yiti bɛfale koɛ ne bɛɛtoale Yehosafate’. Ɔteateane nu, na AWURADE pepɛ lele ye. Nyameɛ foane bɛ fili ye nwo.

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

YOB NWOMAA NE 17:11

Ewue apingye me; me nzusuleɛ ayɛ mbaen, yeɛ bɔ ɔla m’ahone nwo bɔ mepena ne koso, wayɛ mbaen.

Edwein 10:17

Ao AWURADE, etie anwobrɛaseɛniɛ ye abisadeɛ; ɛhyɛ ye nguraen, etie ye sufrɛ,

Edwein 119:36

Ma m’ahone ooli wɔ noa dwirɛ si, na nnɛmaa okodi anyeboroborolɛ si.

Ɛksadɔso 4:15

Ka edwirɛ ne kyire ye, ná fa edwirɛ ne tua ye noa; na ngɔmaa ɛne ye ɛmɔ noa kodwu dwaa nu, ná mahyire ɛmɔ bɔ ɛmɔhã ɔ.

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Anyandera 16:9

Sona fa ye adwene susu bɔ ɔkɔyɔ ɔ nwo, nakoso AWURADE yeɛ okyire ye atee ɔ.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 20:24

Kuro sona agyirɛ bɔ otutu ne, ogyi AWURADE so, ɔkɔyɛ sɛɛ né sona ate ye bɔbɔ ye atee bɔ ɔnate so ɔ bo?

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.